Atyraý oblysyndaǵy Teńiz kenishinen 3 myńǵa jýyq adam shyǵaryldy. Bul týraly óńirlik jedel shtabtan málim etti.
«Teńizshevroildyń» jáne ózge de merdiger kompaniialardyń jumysshylaryn Teńiz kenishinen ýaqytsha shyǵarý jalǵasýda. Ken ornynan 17 myń adam shyǵarylady. Onyń ishinde Atyraý oblysynyń 7191 turǵyny bar», dep habarlady tótenshe jaǵdaidy qamtamasyz etý jónindegi óńirlik jedel shtabtan.
Shtabtyń málimetine súiensek, 16 sáýirden beri Teńiz kenishin 2868 jumysshy tastap shyqqan. Olardyń 1619-y – Atyraý oblysynyń turǵyny. Qazirgi tańda Batys Qazaqstan oblysyna – 283, Túrkistan oblysyna – 241, Qyzylorda oblysyna – 166, Jambyl oblysyna – 103, Aqtóbe oblysyna 455 adam jetkizilgen.
«Teńiz kenishi aýmaǵynan shyǵarylar aldynda barlyq jumysshy COVID-19 infektsiiasyna mindetti testti tapsyrdy. «Teńizshevroil» kompaniiasy jumysshylardyń turǵylyqty meken-jaiyna jetkenge deiingi barlyq jol shyǵynyn óz esebinen tóleidi. Jumysshylardy shyǵarýǵa avtobýs, áýe jáne temir jol kólikteri qoldanylýda», -dedi óńirlik jedel shtabtan.
Al, TShO kompaniiasy basshylarynyń aitýynsha, Teńiz kenishinen tikelei óndiriske qatysy joq personaldar shyǵarylýda. Kompaniianyń óndiristik qyzmeti óz jumysyn shtattyq rejimde jalǵastyryp jatyr.
