Áleýmettik jeliler men messendjerlerde "Teńizde" qubyrdan ýly sary tútin shyqqany túsirilgen sýretter men video tarap jatyr, - dep habarlaidy "Aq Jaiyq".
Qazirgi ýaqytta Ekologiia departamenti 7 sáýirde saǵat 15.20-da KTL-2-de S511 qondyrǵysyn avtomatty buǵattaý iske qosylǵanyn habarlady. Saldarynan qubyrdan ziiandy qaldyq shyqqan. Qazir avtomatty buǵattaýdyń qosylý sebebi anyqtalyp jatyr.
Departament "Teńizshevroil" JShS-ny jospardan tys tekserý máselesin qarastyryp jatyr. Qabyldanǵan sharalar týraly qosymsha habarlanatyny aityldy.
Keiin "Teńizshevroil" "7 sáýirde óndiristik nysandardyń birinen qysqa merzimdi ziiandy qaldyq taraǵanyn jáne ol óndiristiń ishinara qysqarýyna ákelip soqqanyn" rastady. "Teńizshevroil" baspasóz qyzmeti oqiǵanyń mán-jaiy anyqtalyp jatqanyn habarlady.
Portal barlyq qyzmetker qaýipsizdiktiń standartty sharalary sheńberinde evakýatsiialanǵanyn málim etti.
