QR QM Qarjy monitoringi komitetiniń tóraǵasy Janat Elimanov Tengri Bank-tiń litsenziiasynan aiyrylýyna qatysty pikir bildirdi, dep habarlaidy "Ult aqparat".
«Ekonomikalyq tergeýler qyzmeti óndirisinde Tengri Bank basshylyǵyna qatysty is joq. Bul isti basqa organdar tergep jatyr. Sondyqtan eshqandai pikir bildire almaimyn. Bul salada ol basqa organdardyń quziretine kiredi. Is bas prokýratýranyń, arnaýly prokýrorlardyń óndirisinde. Qazirgi ýaqytta bul istiń qaida jatqany maǵan belgisiz», - dedi ol Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
Aita keteiik, Qarjy naryǵyn retteý jáne damytý agenttigi Tengri Bank-ti banktik jáne ózge de operatsiialardy júrgizý jónindegi litsenziiasynan aiyrdy.
«Qazaqstannyń depozitterge kepildik berý qory» AQ (QDKBQ) kepildik berilgen ótemdi depozittegi qaldyq soma sheginde, bank litsenziiasynan aiyrylǵan kúnge qarai eseptelgen syiaqyny eskere otyryp tóleidi: teńgedegi jinaq depozitter boiynsha – 15 mln teńgeden; teńgedegi basqa depozitter boiynsha – 10 mln teńgeden; shetel valiýtasyndaǵy depozitter boiynsha – valiýta balamasynda 5 mln teńgeden aspaidy (bank litsenziiasynan aiyrylǵan kúni belgilengen valiýta aiyrbastaý baǵamy boiynsha).
