Jambyldyq turǵyn tender utyp beremin degen jeleýmen tanysynyń jarty million teńgeden astam aqshasyn iemdenip ketken, dep habarlaidy QazAqparat.
Taraz qalasynyń Politsiia basqarmasyna 34 jastaǵy jergilikti turǵyn habarlasyp, 2020 jyldyń sáýir aiynda onyń tanysy, er adam qurylys tenderin utyp alýǵa kómektesý maqsatynda senimge kirip, aldaý jolymen onyń 530 myń teńge somasyndaǵy aqshasyn iemdengenin aitqan.
Izdestirý sharalary barysynda politsiia qyzmetkerleri oblys ortalyǵynyń 36 jastaǵy turǵynyn ustady. Jábirlenýshi kúdiktini tanydy.
«Atalǵan derekke qatysty QR QK 190-babynyń 1-bóligi (Alaiaqtyq) boiynsha sotqa deiingi tergeý amaldary bastaldy, qazirgi tańda tergeý sharalary júrgizilýde. Osy qylmysty jasaǵany úshin QR Qylmystyq kodeksinde eki jylǵa deiingi merzimge bas bostandyǵyn shekteý nemese múlkin tárkilei otyryp, sol merzimge bas bostandyǵynan aiyrý túrindegi jaza kózdelgen», - delingen politsiia habarlamasynda.
Jambyl oblysynyń Politsiia departamenti turǵyndarǵa saq jáne muqiiat bolý qajettigin eskertedi.
