Kaspi.kz búgin Tencent, Kaspi.kz basshysy ári negizin qalaýshylardyń biri Mihail Lomtadze, basqarýshy komandanyń negizgi músheleri jáne uzaq merzimdi institýtsionaldyq investorlar Baring Fintech Venture Funds qorynan Kaspi.kz-tiń 6 millionǵa jýyq amerikandyq depozitarlyq aktsiiasyn satyp alýdy aiaqtaǵanyn habarlaidy.
Mihail Lomtadze bylai túsindirip ótti:
«Tencent — Qytaidyń iri tehnologiialyq kompaniiasy, úzdik qosymshanyń biznes-modeliniń pioneri jáne álemdegi eń tanymal mobildi qosymshalardyń biri – 1,3 milliardtan astam adam qoldanatyn WeChat-tyń negizin qalaýshy. Tencent-tiń Kaspi.kz-tiń iri aktsionerleriniń qataryna qosylýy – biz úshin úlken mártebe!
Meniń jeke investitsiiam, basqarýshy komandamyzdyń negizgi músheleriniń investitsiialarymen birge kompaniiamyzdyń biznes-modeline jáne uzaq merzimdi strategiiasyna degen nyq senimdi bildiredi.
Biz sondai-aq qarjyteh salasyndaǵy Spice Expeditions halyqaralyq investitsiialyq kompaniiasynyń, AQSh-tyń Washington University jáne WISIMCO / University of Wisconsin Foundation siiaqty ýniversitettik investitsiialyq qorlarynyń uzaq merzimdi aktsionerlerimizdiń qataryna qosylǵanyn maqtanyshpen habarlaimyz».
Kaspi.kz týraly
Kaspi.kz missiiasy – klientter men seriktesterdiń ómirin jaqsartatyn innovatsiialyq ónimder men qyzmetter jasaý. Kaspi.kz servisterin Qazaqstan men Túrkiiada 25 millionnan astam klient pen 900 myń seriktes qoldanady.
Qazaqstanda bizdiń sýperqosymsha tólemder, elektrondy kommertsiia, onlain sýpermarket, finteh, saiahat, habarlandyrý, memlekettik qyzmetter men basqa da servisterdi biriktiredi. Túrkiiada Kaspi.kz eldegi jetekshi elektrondy kommertsiia platforma - Hepsiburada-nyń 86%-yn ielenedi.
Kaspi.kz 2024 jyldyń qańtarynan Nasdaq-ta saýdalanady.
