Temirtaý turǵyndary aiazda jylýsyz qaldy. Munyń sebebi qalany jylýmen qamtamasyz etetin JEO-2 jóndeý dep ataldy. Keltirilgen qolaisyzdyq úshin Temirtaý qalasynyń ákimi Qairat Begimov turǵyndar aldynda keshirim surady. Mamandar eki qazandyqty saǵat 11.00-de jáne 13.00-de qosýǵa ýáde berdi, dep habarlaidy "Ult aqparat".
Qala ákimi Qairat Begimov temirtaýlyqtarǵa áleýmettik jelilerde ortalyqtaǵy jaǵdaidy túsindirdi.
«ArselorMittal Temirtaý» JEO-2 qazandyq jabdyǵyndaǵy jóndeý jumystaryna bailanysty qalaǵa jylýmen jabdyqtaý tómendetilgen parametrlermen beriledi. Jóndeý brigadalary kúsheitilgen rejimde jumys isteýde. Qalyptasqan jaǵdai úshin qala turǵyndarynan keshirim suraimyn», - dedi Temirtaý qalasynyń ákimi.
Sondai-aq, qala basshysy turǵyndardan ótinimder qabyldaý úshin (7213) 98-08-66 jáne 99-62-62 telefondary boiynsha «Oqjetpes-T« kóp arnaly jelisi jumys isteitinin habarlady. Qala ákimi tutynýshylarǵa jylý úshin qaita eseptelýi júrgiziletinine sendirdi.
Temirtaýda beisenbi kúni aýa temperatýrasy -25 gradýsqa deiin tómendedi, jeldiń jyldamdyǵy sekýndyna 18 metrge jetedi.
Temirtaý ákimdiginde temperatýralyq rejim saǵat 13.00-ge deiin qalpyna keltiriletini týraly habarlady.
«26 aqpan kúni saǵat 07.00-de JEO-2-de 3 qazandyq jumys isteýde, jóndeý jumystary ekeýinde aiaqtaldy. Bul qazandyqtarda sáikesinshe 06.30 jáne 06.40-ta ot jaǵyldy. Qazandar jelige saǵat 11.00 jáne 13.00-de qosylady, jalpy qala boiynsha temperatýralyq rejim saǵat 13.00 - ge deiin qalpyna keltiriledi», - dep habarlady ákimdikte.
