QR Ekologiia, geologiia jáne tabiǵi resýrstar vitse-ministri Erlan Nysanbaev qala ainalasynda «jasyl beldeý» qurý máselesi boiynsha jumys saparymen Temirtaýda boldy. Bul týraly ministrliktiń baspasóz qyzmeti habarlady.
Atalǵan sharany talqylaý boiynsha Temirtaý qalasynyń ákimi, jergilikti atqarýshy organdar, «ArselorMittal Temirtaý» AQ, Qazaq ǵylymi-zertteý institýty, «Kazgiproleshoz-KZ» jobalaý institýty jáne basqa da múddeli vedomstvolar ókilderiniń qatysýymen keńes ótti.
«Temirtaý qalasynda qalyptasqan ekologiialyq jaǵdai jedel sharalar qabyldaýdy talap etedi. Biylǵy jyly jańa Ekologiialyq kodeks qabyldandy, sondai-aq ótken jyly óńirdegi ekologiialyq ahýaldy jaqsartý jónindegi Jol kartasy bekitildi. Bul is-sharalardyń barlyǵy osy baǵytta tiimdi kórsetkishterge qol jetkizýge múmkindik beredi. Temirtaý ainalasynda «jasyl beldeý» qurý da pármendi shara bolatynyna senimdimin», - dedi Erlan Nysanbaev óz sózinde.
Onyń aitýynsha, Ekologiia ministrliginiń «jasyl beldeý» qurý tájiribesi bar. 1997 jyldan bastap elordanyń ainalasynda «jasyl beldeý» jobasy júzege asyrylýda. 1997-2021 jyldar kezeńinde aǵash otyrǵyzýdyń jalpy aýdany 87 myń ga qurady.
«Nur-Sultan qalasynyń jasyl aimaǵyn qurý kezinde jinaqtalǵan tájiribe Temirtaý ainalasynda «jasyl beldeý» qurý kezinde de qoldanylady», - dep atap ótti vitse-ministr.
Talqylaý barysynda Qazaq orman sharýashylyǵy ǵylymi-zertteý institýty men «Kazgiproleshoz-KZ» jobalaý institýtynyń basshylary jasyl alqapty qalyptastyrýdaǵy óz tájiribelerimen bólisti, olar «jasyl beldeýdi» qurý kóp ýaqyt pen qarjylyq shyǵyndardy talap etetinin túsindirdi.
«Aǵash otyrǵyzý jáne olardyń jersinýi úshin topyraq taldaýyn júrgizý qajet. Sodan keiin jer jyrtýdy bastaýǵa bolady. Bul jumystar eki jyldan astam ýaqytty alady. Sonda ǵana aǵash otyrǵyzýǵa kirisýge bolady», - dep atap ótti sarapshylar.
«ArselorMittal Temirtaý» kompaniiasynyń basshylyǵy óz kezeginde jobany qoldaýǵa jáne «jasyl aimaqta» 500 myń aǵash otyrǵyzýǵa daiyn ekendikterin bildirdi.
Vitse-ministr jiyn qorytyndysy boiynsha ákimdik «ArselorMital Temirtaý» AQ-men birlesip qalanyń ainalasynda «jasyl aimaq» qurý, sondai-aq, Temirtaýdyń ózin kógaldandyrý jónindegi is-sharalar josparyn ázirleý qajettigin atap ótti.
