Temirtaý politseileri asa aýyr qylmysty «izin sýytpai» ashty, dep habarlaidy "Ult aqparat".
29 tamyzda Temirtaý qalasynyń Beibitshilik dańǵylyndaǵy páterlerdiń birinde 35 jastaǵy er adamnyń máiiti tabyldy.
«Jedel-izdestirý is-sharalary barysynda politsiia atalǵan qylmysqa qatysy bar degen kúdikpen 68 jastaǵy er adamdy ustady. Ol marqumnyń ákesi bolyp shyqty. Ákesi ózara týyndaǵan janjal barysynda ulyna pyshaq salǵanyn moiyndady», - dep habarlady Qaraǵandy oblysy Politsiia departamentiniń baspasóz qyzmeti.
Atalǵan fakti boiynsha QR QK 99-baby 1-bóligi «Adam óltirý» boiynsha qylmystyq is tirkeldi.
Kúdikti ýaqytsha ustaý izoliatoryna qamaldy. Tergeý amaldary júrgizilip jatyr.
