«Arselor Mittal Temirtaý» AQ konverterlik tsehynda jarylys bolyp, 4 adam zardap shekti. Olar túrli jaraqatpen Temirtaý qalasy ortalyq aýrýhanasyna jetkizildi, dep habarlaidy "Ult aqparat".
4 qyrkúiekte №3 konverterinde jumys júrip jatqan kezde tarsyldaǵan dybys shyǵyp, keiin bý men ystyq aýa atylǵan. Saldarynan №3 konverteriniń 4 jumysshysy zardap shekti.
«Barlyq japa shekkender Temirtaý qalasyndaǵy ortalyq aýrýhanaǵa jetkizildi. 1970, 1972, 1988 jylǵy úsh azamatty kúiik shaldy, taǵy biri jaralandy. Dárigerler teksergennen keiin kúiik shalǵan 1988 jylǵy azamatty jáne jaralanǵan 1991 jylǵy azamatty ambýlatorlyq emdeýge jiberdi. II,III A deńgeide kúiik shalǵan er adamdar Maqajanov atyndaǵy oblystyq travmatologiia jáne ortopediia ortalyǵyna jatqyzyldy. Naýqastardyń jaǵdaiy qanaǵattanarlyq», - dep habarlady Qaraǵandy oblystyq densaýlyq saqtaý basqarmasynyń baspasóz qyzmetinen.
«Zardap shekkenderdiń ómirine qaýip tónip turǵan joq. Memlekettik organdarǵa jaǵdai týraly habar berildi. Qazir qaiǵyly oqiǵa tergelip jatyr», - dep túsindirdi «Arselor Mittal Temirtaý» AQ baspasóz qyzmetinen.
