«ارسەلور ميتتال تەمٸرتاۋ» اق كونۆەرتەرلٸك تسەحىندا جارىلىس بولىپ, 4 ادام زارداپ شەكتٸ. ولار تٷرلٸ جاراقاتپەن تەمٸرتاۋ قالاسى ورتالىق اۋرۋحاناسىنا جەتكٸزٸلدٸ, دەپ حابارلايدى "ۇلت اقپارات".
4 قىركٷيەكتە №3 كونۆەرتەرٸندە جۇمىس جٷرٸپ جاتقان كەزدە تارسىلداعان دىبىس شىعىپ, كەيٸن بۋ مەن ىستىق اۋا اتىلعان. سالدارىنان №3 كونۆەرتەرٸنٸڭ 4 جۇمىسشىسى زارداپ شەكتٸ.
«بارلىق جاپا شەككەندەر تەمٸرتاۋ قالاسىنداعى ورتالىق اۋرۋحاناعا جەتكٸزٸلدٸ. 1970, 1972, 1988 جىلعى ٷش ازاماتتى كٷيٸك شالدى, تاعى بٸرٸ جارالاندى. دەرٸگەرلەر تەكسەرگەننەن كەيٸن كٷيٸك شالعان 1988 جىلعى ازاماتتى جەنە جارالانعان 1991 جىلعى ازاماتتى امبۋلاتورلىق ەمدەۋگە جٸبەردٸ. II,III ا دەڭگەيدە كٷيٸك شالعان ەر ادامدار ماقاجانوۆ اتىنداعى وبلىستىق تراۆماتولوگييا جەنە ورتوپەدييا ورتالىعىنا جاتقىزىلدى. ناۋقاستاردىڭ جاعدايى قاناعاتتانارلىق», - دەپ حابارلادى قاراعاندى وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸنەن.
«زارداپ شەككەندەردٸڭ ٶمٸرٸنە قاۋٸپ تٶنٸپ تۇرعان جوق. مەملەكەتتٸك ورگاندارعا جاعداي تۋرالى حابار بەرٸلدٸ. قازٸر قايعىلى وقيعا تەرگەلٸپ جاتىر», - دەپ تٷسٸندٸردٸ «ارسەلور ميتتال تەمٸرتاۋ» اق باسپاسٶز قىزمەتٸنەن.
