Pavlodar oblysynyń Sharbaqty aýdanynda Toyota avtokóliginiń júrgizýshisi kele jatqan poiyzdyń jolyn kesip ótpek bolǵan, alaida onyń qozǵaltqyshy óship qalǵan, dep habarlaidy "Ult aqparat".
«24 naýryzda áleýmettik jelilerdi monitoringileý kezinde kolesa_pavlodar paraqshasynda poiyz mashinisiniń shuǵyl toqtaýǵa májbúr bolǵany jaily beinerolik jariialandy. Sebebi poiyz jolynda avtokólik turyp qalǵan», – dedi Pavlodar oblysy politsiia departamenti bastyǵynyń birinshi orynbasary Jasqairat Qaiyrov.
Onyń aitýynsha, bul fakti Pavlodar oblysy Sharbaqty aýdanynyń politsiia bóliminde tirkelgen jáne ol boiynsha tekseris jasalǵan.
«19 naýryzda Sharbaqty aýdany Alekseevka aýylyndaǵy temir joldyń 544-shi shaqyrymynda Toyota Camry avtokóliginiń júrgizýshisi jol júrý erejesin óreskel buzyp, baǵdarshamnyń tyiym salatyn signalyna qaramastan óte shyqpaq bolǵan. Júrgizýshi ótýge úlgeremin dep oilaǵan, biraq dál ótkelde kólik toqtap qaldy», – deidi Jasqairat Qaiyrov.
Oblystyq politsiia departamenti baspasóz qyzmetiniń málimetinshe, júrgizýshi - Sharbaqty aýdanynyń 38 jastaǵy turǵyny.
Oǵan jol erejesin buzǵany úshin QR ÁQBtK 607-babynyń 1-bóligi boiynsha on ailyq eseptik kórsetkish – 29 170 teńge mólsherinde aiyppul salyndy.
