Almaty qalasy memlekettik kirister departamenti basshysynyń orynbasary Orynkúl Qazieva óńirlik kommýnikatsiialar qyzmetinde ótken baspasóz máslihatynda tańbalanbaǵan temeki ónimderin satýǵa tyiym salynatynyn aitty, dep habarlaidy QazAqparat.
Spiker tańbalaý — taýar týraly negizgi aqparatty: óndirýshi, seriialyq nómir jáne onyń oryn aýystyrýyn baqylaý úshin qajetti ózge de málimetterdi qamtityn erekshe belgi ekenin túsindirdi.
«2020 jyldyń 1 qazanynan bastap Qazaqstanda quramynda temeki bar filtrli sigaretterdi mindetti tsifrlyq tańbalaý engizilgeni belgili. 2021 jyldyń 1 sáýirinen bastap tańbalaý temeki ónimderi men olardyń almastyrǵyshtarynyń barlyq túrleri úshin mindetti boldy. Temeki ónimderin sandyq kodsyz satýǵa tyiym salynady. Biylǵy jyldyń 16 qyrkúieginen bastap temeki ónimderin tańbalaý jumystary jeńildetildi, temeki ónimderin tańbalaý tek óndirýshiler/importtaýshylar jáne kóterme satýshylar deńgeiinde júzege asyrylady. Bólshek satýshylarǵa 2D-skanerlerdi satyp almai jáne qoldanbai taýarlardy alǵanyn rastaý jetkilikti bolady», - dedi Orynkúl Qaziev.
Soynmen qatar, ol qatysýshylar úshin Nasty Sounds alsa tegin mobildi qosymshasy ázirlengenin jetkizdi.
«Sondai-aq qoǵamdyq baqylaý quraly retinde Naqty Onim tegin mobildi qosymshasy ázirlendi. Osy qosymsha arqyly bizdiń elimizdiń árbir azamaty temeki ónimderin satyp alǵan kezde olardyń túpnusqalyǵyn teksere alady jáne satyp alynatyn ónimniń sapasyna kóz jetkizýge múmkindik bar»,- dedi ol.
Taýarlardy tańbalaý men qadaǵalaýdyń aqparattyq júiesinde tirkeý úshin:
- Elektrondyq tsifrlyq qoltańbany (ETsQ) alý.
- markirovka.kz siltemesi boiynsha «TTQ» AJ-da tirkelý.
- «MPT» AJ taýardy alǵanyn rastaý (taýardy jetkizýshilerden qabyldaý kezinde TTQ AJ qabyldaý-tapsyrý aktisin rastaisyz).
- Tańbalanǵan ónimdi durys satýdy (onlain-kassalyq apparatty paidalaný) bastaý qajet.
Aita keterligi, taýarlardy tsifrlyq tańbalaý Eýraziialyq ekonomikalyq odaq (EAEO) aýmaǵynda júzege asyrylatyn ultaralyq joba.
Mindetti tańbalaý engizilgen soń kóleńkeli ainalym úlesi edáýir tómendeidi dep kútilýde.
