Izraildikter Qazaqstandy Táýelsizdik kúnimen osylaisha erekshe quttyqtady, dep habarlaidy "Ult aqparat".
Aktsiia 17 jeltoqsanǵa qaraǵan túni Qazaqstan Respýblikasynyń Izrail Memleketindegi Elshiliginiń bastamasymen ótti. Tel-Aviv qalalyq meriiasynyń qasbeti eki memleket arasyndaǵy syilastyq pen dostyqtyń belgisi retinde qazaq týy tústerimen boialdy.
«Qurmetti dostar, Izrail Memleketiniń Elshiligi Qazaqstan Respýblikasynyń barlyq turǵyndaryn Táýelsizdik kúnimen shyn júrekten quttyqtaidy! Sizderge osynaý qonaqjai elge ashyq aspan astynda beibit ómir tileimiz, gúldenip, órkendei bersin!», - delingen elshiliktiń Twitter-degi paraqshasynda.
Eske sala keteiik, buǵan deiin Qazaqstan Respýblikasynyń Izraildegi Elshiligi Qazaqstan Táýelsizdiginiń 28 jyldyǵyna orai saltanatty shara uiymdastyrǵan bolatyn. Qabyldaýǵa Izraildiń ekologiia ministri jáne Ierýsalim isteri men mura ministri Zeev Elkin, Ierýsalim Patriarhy III Teofil, Izraildiń eks-premer-ministri Ehýd Olmert, Knesset depýtattary, Bas Sefardiialyq ravvinderdiń ókilderi, qoǵam qairatkerleri, Izrailde tirkelgen sheteldik diplomatiialyq missiialardyń basshylary, jergilikti biznes, ǵylym, mádeniet jáne BAQ ókilderi, Qazaqstannan kóship kelgender men otandastar qatysty.
