Tekeli qalasynda dúken tonaýǵa kelgen qaraqshynyń oiy iske aspai qaldy. Eden jýyp júrgen áiel ony eden jýǵyshpen qýyp jiberdi, dep habarlaidy Sputnik Qazaqstan oblystyq politsiia departamentine silteme jasap.
19 maýsym kúni qolyna meditsinalyq pyshaq ustaǵan er adam betperde taǵyp dúkenge basa kóktep kirgen. Kassada turǵan qyzdardy qorqytyp, aqsha talap etken. Qaraqshy sóreni teýip, ishke qarai kirmek bolǵan. Biraq eki qyz oǵan qarsylyq kórsetip, qolǵa túsken zattardy laqtyra bastady.
Dál sol kezde dúkenniń 36 jastaǵy iesi basqa bólmede eden jýyp júrgen. Ol qyzdarynyń aiqaiyn estip, júgirip baryp qaraqshyny arqasynan bir urǵan. Er adam sasyp qalyp, áieldi iterip qashyp ketken. Skalpeldi dúkende túsirip alǵan.
Jedel izdestirý sharalary barysynda politseiler 48 jastaǵy er adamdy ustady. Ol qala turǵyny bolyp shyqty. Qarjylai qiyndyqqa tap bolǵannan keiin dúken tonaýǵa barǵanyn aitqan.
Qazirgi kezde Qylmystyq kodekstiń eki birdei baby - 24-baptyń 3-bóligi jáne 191-baptyń 1-bóligi ("Tonaýǵa oqtalý") boiynsha sotqa deiingi tergeý sharalary bastaldy.
Oǵan qosa, kúdikti dúkenge keltirgen shyǵyndy ótep berýge tiis.
