QR Memlekettik hatshysy Qyrymbek Kósherbaev Qordai aýdanynda oryn alǵan oqiǵa saldarynan qaza tapqandardyń otbasylary men týystaryna kóńil aitty, dep habarlaidy QazAqparat.
«Ótken aptada Qordai aýdanynda oryn alǵan tótenshe jaǵdaiǵa bailanysty qaitys bolǵandardyń otbasylaryna jáne týǵan-týystaryna kóńil aitamyz. Eren tirlikti, egemen birlikti, tek tatýlyqty tý etip kelgen halqymyz yntymaq-birliginen airylmasyn dep tilek aitaiyq», - dedi Aqordada Abai men ál-Farabidiń mereitoilaryna ótkizý jónindegi komissiianyń otyrysyn ashqan Qyrymbek Kósherbaev.
Memlekettik hatshy biyl mereitoiylaryn atap ótip otyrǵan Abai men Ábý Nasyr ál-Farabidiń de urpaqqa mura etip qaldyrǵan jaýhar oilarynyń túpki negizi eldiń birligin saqtaýǵa arnalǵanyn eske salyp ótti.
«Abai «Adamzattyń bárin súi, baýyrym dep» amanatyn aitsa, Ál-Farabi «Naǵyz baqytqa keneltetin ister adamdardy bir-birine kómektesý úshin biriktiretin qala – qaiyrymdy qala. Al baqytqa jetý jolynda bir-birine qol ushyn beretin qoǵam – qaiyrymdy qoǵam» dep ósietin qaldyrǵan», - dedi ol.
