Sońǵy kezderi qazaq azamattarynyń arasynda -ov, -ev, - ova, - eva sekildi óziniń tegine jarmasqan jalǵaýlardan arylǵysy keletinder kóbeiip keledi. Osy oraida oqyrmandarymyzǵa atalǵan máseleni ońai sheshý úshin az-kem aqparat beremiz. Bul týraly islam.kz saity jazdy.
Qazaq halqynyń qalyptasqan dástúrlerine sai ulty qazaq azamattardyń tegi men ákesiniń aty jazylýy ózgergen jaǵdaida (-ov, -ev,- in jáne t.b. jalǵaýlarsyz, ákesiniń atyna uly, qyzy sózderin qosý arqyly) azamattyń jeke bas kýáligin jáne tólqujat alýyna qajetti qujattar:
- turaqty tirkeýdi rastaityn azamattardy tirkeý kitaby nemese mekenjai anyqtamasy;
- memlekettik nemese orys tilderinde qalaýly tegi, ákesiniń aty kórsetilip, aýystyrylýǵa tiisti qujattar jaily málimetter baiandalǵan jazbasha ótinish;
- aýystyrylýǵa tiisti jeke bas kýáligi, tólqujat;
- týý týraly kýálik jeke basty kýálandyratyn qujat alǵash ret alynǵan kezde kórsetiledi.
- 3,5h4,5 mólsherli 3 fotosýret;
- jeke bas kýáligi úshin 0,2 AEK, tólqujat úshin 4 AEK kóleminde memlekettik baj salyǵy tólengeni jaiyndaǵy túbirtek.
Atalǵan qujattaryńyz daiyn bolysymen halyqqa qyzmet kórsetý ortalyqtaryna baryp, ózińizdiń tegińizdi qazaqsha jazdyrýǵa ótinish bere alasyz. Memlekettik qyzmet jedel túrde 7, 10 jáne 15 jumys kúni ishinde kórsetilýi múmkin. Jedel túrde rásimdeýdiń baǵasy: 7 jumys kúni - 1989 teńge, 10 jumys kúni - 904 teńge, 15 jumys kúni - 563 teńge.
