Búginde 2019 jylǵa arnalǵan tegin beriletin dári-dármekterdiń 90% satyp alyndy. Bul týraly «SK-Farmatsiia» JShS basqarmasy tóraǵasynyń mindetin atqarýshy Berik Shárip aitty, dep habarlaidy QazAqparat tilshisi.
«Ústimizdegi jylǵa arnalǵan dárilik preparattardyń 90% satyp alynyp, búginde elimiz boiynsha qoimalarǵa jetkizý jumystary júrgizilýde. Kelesi aptadan bastap dáriler emhanalarǵa túse bastaidy. Biyl jalpy somasy 23 mlrd teńgege eseptelgen dári-dármek alyndy. Sondyqtan tegin dári boiynsha tapshylyq máselesi bolmaidy, bastysy onyń durys jetkizilýi», - dedi Berik Shárip OKQ-de ótken baspasóz máslihatynda.
Onyń aitýynsha, 2019 jyly tegin qamtamasyz etý úshin satyp alynǵan dári-dármektiń tizimi 1144 quraidy. Onyń ishinde, 45 aýrý túri boiynsha dispanserlik esepte turǵan patsientterdiń emine 421 dári-dármek belgilendi.
Odan bólek, B.Shárip halyqty tegin dári-dármekpen qamtamasyz etý qatań baqylaýǵa alynatynyn atap aitty.
«Halyqty tegin dárilermen qamtamasyz etý boiynsha 1439 bailanys ortalyǵy jumys isteidi. Ol arqyly kez-kelgen azamat dári-dármekti jetkizý merzimi, kólemi jáne josparlanǵan kúni týraly aqparatty bile alady. Sol siiaqty SMS júiesi bar, ol arqyly patsient tiisti dárini ýaqytynda alǵan nemese almaǵany týraly aqparat bere alady», - dedi ol.
Buǵan deiin, elimizde dári-dármek baǵasynyń qalai retteletini týraly habarlaǵan bolatynbyz.
