© alau.kz
Biyl naýryzdan bastap Qazaqstannyń elektron úkimet portalynda jekemenshik turǵyn úi qurylysy úshin jer telimin alýǵa kezekke turý qyzmeti iske qosyldy. Endi qazaqstandyqtar kezekke turyp, onyń qozǵalysyn onlain baqylai alady, - dep habarlaidy Tengrinews.kz tilshisi "Alaý" basylymyna silteme jasap.
Buǵan deiin jer telimin alý úshin qazaqstandyqtar jergilikti ákimdikterge júgingen, al kezekte turǵandar ákimdikterde saqtalatyn.
"Osy ýaqytqa deiin portalda eki qyzmet jumys istemedi - jer telimin jekemenshikke josparlaý jáne satý. Qazir jumys istei bastady, josparlaý avtomattandyrylǵan. Endi turǵyndar ákimdikke barmai, elektron túrde qyzmet ala alady. Ol úshin kompiýter jáne ETsQ-kilt qajet", - dedi Qostanai oblysy ákimdiginiń Tsifrlandyrý, memlekettik qyzmetterdi kórsetý jáne arhivter basqarmasynyń bas mamany Mahabbat Syrǵabai.
