Qazaqstan TDM damý indeksi boiynsha 12 pozitsiiaǵa kóterildi, dep habarlaidy "Ult aqparat".
Bul týraly QR Premer-Ministriniń birinshi orynbasary Álihan Smaiylovtyń tóraǵalyǵymen ótken Turaqty damý maqsattary jónindegi úilestirý keńesiniń (TDM) V otyrysy kezinde belgili boldy.
Atap aitqanda, Covid-19-tan keiingi kezeńdegi TDM-ǵa qol jetkizýdegi jetistikter, damý maqsatynda qarjylandyrýdy baǵalaý nátijeleri, TDM ulttyq indikatorlary jáne BUU-nyń 2021-2025 jyldarǵa arnalǵan turaqty damýdyń jańa shekti baǵdarlamasyn iske asyrý máseleleri qozǵaldy.
TDM baǵdarlamalary 5 topqa bólinip, syrtqy ister, eńbek jáne halyqty áleýmettik qorǵaý, ulttyq ekonomika, aqparat jáne qoǵamdyq damý, energetika ministrlikterine bekitildi. Ár saladaǵy jaýapty tulǵalar kezdesýge qatysýshylarǵa baǵdarlamalardyń oryndalý barysy, 2020 jylǵy jumys nátijeleri týraly habardar etti jáne Qazaqstan men BUU-nyń aldaǵy besjyldyqtaǵy yntymaqtastyǵy týraly áńgimeledi. Sondai-aq, 2030 jylǵa deiingi TDM ulttyq indikatorlarynyń tizimi talqylandy. Bul tizim 200-den astam tarmaqty qamtidy.
Premer-Ministrdiń birinshi orynbasary Álihan Smaiylov TDM qaǵidattaryn iske asyrý halyqtyń ómir súrý sapasyn edáýir jaqsartýǵa, ony halyqaralyq standarttarǵa jaqyndatýǵa jáne halyqaralyq imidjdi nyǵaitýǵa múmkindik beretinin atap ótti.
