Tájikstan Respýblikasynyń astanasy Dýshanbede qazaqstandyq meditsina kúnderi bastaldy.
19-20 jeltoqsan aralyǵynda ótetin bul shara QR Densaýlyq saqtaý vitse-ministri O.A. Ábishev bastap barǵan qazaqstandyq delegatsiianyń quramyndaǵy 30-dan astam jetekshi meditsinalyq klinikalardyń, beiindi meditsinalyq uiymdardyń, farmatsevtikalyq óndirýshilerdiń, meditsinalyq JOO-lardyń, Qazaqstannyń densaýlyq saqtaý salasyndaǵy konsalting kompaniialardyń jáne IT ókilderiniń qatysýymen ótedi, - dep habarlaidy A.N. Syzǵanov atyndaǵy Ulttyq ǵylymi hirýrgiia ortalyǵynyń baspasóz qyzmeti.
Bul sharanyń basty maqsaty — eki eldiń densaýlyq saqtaý júieleriniń arasyndaǵy seriktestikti nyǵaitý, meditsinalyq uiymdardyń ózara is-qimylyn ulǵaitý, tájiribe jáne bilim almasý.
Forýmǵa qatysatyn qazaqstandyq jetekshi meditsinalyq uiymdardyń qatarynda A.N. Syzǵanov atyndaǵy Ulttyq ǵylymi hirýrgiia ortalyǵy da bar.
Tájikstandaǵy qazaqstandyq meditsina kúnderine A.N. Syzǵanov atyndaǵy Ulttyq ǵylymi hirýrgiia ortalyǵynan basqarma tóraǵasy, professor Baimahanov Bolatbek Bimendeuly jáne ortalyqtyń basqa da joǵary sanatty dárigerleri qatysady. Atalmysh uiymnyń jetekshi mamandary sheberlik sabaqtaryn ótkizip, Tájikstan azamattaryna tegin meditsinalyq keńes beretin bolady.
Forým aiasynda uiymdastyrylatyn meditsinalyq kórmede Qazaqstannyń densaýlyq saqtaý salasyndaǵy jetistikteri, reformalary jáne praktikalyq meditsina paidalanyp júrgen innovatsiialary men jańa tehnologiialary tanystyrylady.
