Saýd Arabiiasy vaktsina alǵan shetel azamattaryna kishi qajylyq jasaýǵa ruqsat berdi. Biraq tájik biligi soǵan qaramastan, azamattaryna ol jaqqa barýǵa ruqsat bermei jatyr. Bul jóninde Azattyqtyń Tájik qyzmeti jazdy.
Saýd Arabiiasyna Pfizer-BioNTech, Oxford-AstraZeneca nemese Moderna vaktsinasynyń eki komponentin, bolmasa Johnson & Johnson ekpesiniń bir komponentin alǵan sheteldikter bara alady. Bul vaktsinalardy resmi Er-Riiad maquldaǵan. Biraq jergilikti BAQ reseilik "Spýtnik V" vaktsinasyn saldyrǵandarǵa da jańa jyldan bastap ruqsat etiledi dep jazyp jatyr.
Alaida soǵan qaramastan Tájikstannyń din ister jónindegi komiteti qajylyqqa barý jónindegi azamattardyń ótinishin qaraýǵa asyǵar emes. Osylai dep jergilikti turǵyndar shaǵymdanady. Al atalǵan mekemeniń baspasóz hatshysy Afshin Mýkim koronavirýsqa qarsy turý jónindegi respýblikalyq shtabynyń naqty sheshimin kútip otyrmyz dep jaýap berdi.
Ózbekstan men Qyrǵyzstan azamattaryna biyl 10 qazannan bastap Mekke jáne Medinege barýǵa ruqsat etken.
Tájikstanda pandemiiaǵa deiin jyl saiyn keminde 6 myń adam úlken qajylyqqa, 3 myń adam kishi qajylyqqa baratyn.
