kórneki sýret
Búgin Senattyń jalpy otyrysynda «Qazaqstan Respýblikasynyń Úkimeti men Tájikstan Respýblikasynyń Úkimeti arasyndaǵy óteýsiz áskeri-tehnikalyq kómek kórsetý týraly kelisimdi ratifikatsiialaý týraly» Zańy qabyldandy, dep habarlaidy QazAqparat agenttigi.
Qazaqstan Úkimeti men Tájikstan Úkimeti arasyndaǵy óteýsiz áskeri-tehnikalyq kómek kórsetý týraly kelisim 2021 jylǵy 17 sáýirde Nur-Sultan qalasynda jasalǵan.
«Kelisim tájik tarapyna áskeri múlikti, atap aitqanda, oq-dárilerdi bir ret berýdi kózdeidi. Qazaqstan tarapy áskeri múlikti Jambyl oblysynyń Otar stantsiiasynan Tájikstan Respýblikasynyń aýmaǵyna deiin («Rohati» stantsiiasy, Dýshanbe qalasy) temirjol kóligimen jetkizýdi qamtamasyz etip, oǵan bailanysty barlyq shyǵysty ózi kóteredi», - dedi QR Qorǵanys ministriniń orynbasary Rýslan Shpekbaev.
Onyń aitýynsha, Tájikstan jaǵy Qazaqstannan alǵan áskeri múlikti, ony paidalaný quqyǵyn úshinshi tarapqa bermeidi.
«Áskeri múlikti Tájikstanǵa berý Qazaqstannyń jaýyngerlik ázirligi men qoǵanys qabiletine yqpal etpeitinin atap ótý qajet», - dedi Shpekbaev.
Munymen qosa, búgin senatorlar «Qazaqstan Respýblikasynyń Úkimeti men Tájikstan Respýblikasynyń Úkimeti arasyndaǵy tájik-aýǵan shekarasyna irgeles aýdandarda qaýipsizdikti qamtamasyz etýde áskeri-tehnikalyq járdem kórsetý týraly kelisimdi ratifikatsiialaý týraly» Zańdy qabyldady.
Atalǵan kelisim 2021 jylǵy 12 shildede Nur-Sultan qalasynda jasaldy.
«Kelisimge sáikes Tájikstan tarapy Qazaqstannan beriletin áskeri múlikti tek tájik-aýǵan shekarasyna irgeles aýdandarda qaýipsizdikti qamtamasyz etý maqsatynda qoldanýǵa jáne olardy úshinshi tarapqa bermeýge mindettenedi», - dedi Rýslan Shpekbaev.
Budan buryn habarlanǵandai, búgin Senattyń jalpy otyrysynda «Qazaqstan Respýblikasynyń Úkimeti men Qyrǵyz Respýblikasynyń Úkimeti arasyndaǵy óteýsiz áskeri-tehnikalyq kómek kórsetý týraly kelisimdi ratifikatsiialaý týraly» Zańy qabyldandy.
