Taivan biligi 1 naýryzdan bastap sheteldikterdiń kirýine ruqsat berý týraly sheshim qabyldady, sonymen qatar olar birqatar eldiń isker saiahatshylaryna karantin rejimin jeńildetedi. Bul týraly "Ult aqparat" Taivan ortalyq aqparat agenttigine silteme jasap habarlaidy.
Jańa erejelerge sáikes, sheteldik azamattar Taivannyń tiisti ókildikterinen vizaǵa ruqsat alǵanda jáne koronavirýsqa teris nátijeli test tapsyrǵan jaǵdaida aralǵa kire alady. Bul rette koronavirýstyń taralý qaýpi tómen nemese ortasha elderden iskerlik týrizm maqsatynda keletin adamdar mindetti karantin kezeńin eki aptadan 5-7 kúnge deiin qysqartýǵa ótinim bere alady.
Taivan biligi Ulybritaniianyń koronavirýs infektsiiasynyń jańa shtammynyń taralýy aiasynda 1 qańtardan bastap sheteldikterdiń kirýine ýaqytsha tyiym salǵan edi. Sodan beri aralǵa tek turǵyndar men virýstyń teris synaǵy bolǵan jeke adamdar toby jiberildi. Barlyq tranzittik reister de toqtatylǵan bolatyn.
Pandemiia bastalǵannan beri Taivanda COVID-19 aýrýynyń álemdegi eń tómengi kórsetkishteriniń biri tirkelgen. Aralda tirkelgen jaǵdailardyń jalpy sany 946 ǵana.
