© Photo : Ministerstvo transporta Kazahstana
Taiaý Shyǵystaǵy jaǵdaidyń ýshyǵýyna bailanysty ushyp kele almaǵan týrister Qazaqstanǵa jetkizildi, dep habarlady týrizm ministrligi.
13 maýsymda Birikken Arab Ámirlikterinen, atap aitqanda Dýbai men Abý-Dabiden birneshe óńirge reister toqtatylǵan bolatyn. Bul sheshim Taiaý Shyǵystaǵy jaǵdaidyń ýshyǵýyna bailanysty qabyldandy.
QR Kólik ministrliginiń Azamattyq aviatsiia komiteti Iran, Izrail, Siriia, Irak, Iordaniia jáne Livan áýe keńistigine, sondai-aq osy memlekettermen shektes aýmaqtar arqyly ushýǵa tyiym salǵan bolatyn.
"FlyDubai reisteri búgin saǵat 02:45 pen 06:23 aralyǵynda osy elderdiń áýe keńistigin ainalyp ótip, elge 13 maýsymda usha almaǵan 332 týristi jáne josparly jolaýshylardy jetkizdi", - dep habarlady ministrlik.
13 maýsymda Dýbaidan usha almaǵan barlyq týrist týroperatorlar arqyly týrizm jáne sport ministrligi, syrtqy ister ministrligi, QR elshiligi jáne "Týristik Qamqor" qorynyń úilestirýimen qonaqúilerge ornalastyryldy. Qazirgi ýaqytta olardyń ushý máselesi qarastyrylyp jatyr. Keibir týrister búgin túngi reistermen elge oraldy.
