Foto: Mihail Voskresenskii / RIA Novosti
Moiyndalmaǵan Taýly Qarabaq Respýblikasynyń basshysy Samvel Shahramanian Qarabaqtyń barlyq memlekettik mekemeleri men uiymdaryn taratý týraly jarlyqqa qol qoidy. Bul týraly Armenpress agenttigi Aqparattyq shtabqa silteme jasap jazdy, dep habarlaidy QazAqparat.
Jarlyqta sheshim shyǵarý kezinde qazirgi kúrdeli áskeri-saiasi jaǵdaiǵa bailanysty Artsah halqynyń fizikalyq qaýipsizdigi men ómirlik mańyzdy múddelerin qamtamasyz etý basymdyǵy negizge alynǵany, Resei bitimgerlik kontingenti qolbasshylyǵynyń araǵaiyndyq etýimen Ázerbaijan Respýblikasy ókilderimen qol jetkizilgen kelisim (onda Taýly Qarabaq turǵyndarynyń, onyń ishinde qarýyn tastaǵan áskeri qyzmetshilerdiń óz múlkimen jáne kóligimen Lachin dálizi boiynsha erkin, erikti jáne kedergisiz ótýi týraly aitylǵan) eskerilgeni, sondai-aq Qarabaq Konstitýtsiiasynyń 93-baby basshylyqqa alynǵany aitylǵan.
Jarlyq mátini:
«1. 2024 jylǵy 1 qańtarǵa deiin vedomstvolyq baǵynystaǵy barlyq memlekettik mekeme men uiym taratylsyn jáne Taýly Qarabaq (Artsah) Respýblikasy óz qyzmetin toqtatsyn.
2. Taýly Qarabaq turǵyndary, sonyń ishinde respýblikadan tys jerlerdegi turǵyndarǵa osy Jarlyq kúshine engennen keiin bolashaqta Taýly Qarabaqta qalý (qaitý) múmkindigi týraly táýelsiz jáne jeke sheshim qabyldaý maqsatynda Ázerbaijan Respýblikasy usynǵan reintegratsiia sharttarymen tanyssyn».
Sondai-aq qujat jariialanǵan sátten bastap kúshine enetini kórsetilgen.
