Almatyda qar kóshkini júrý qaýpine bailanysty taý bókterlerine shyǵýǵa tyiym salynady, dep habarlaidy "Ult aqparat" qalalyq Tótenshe jaǵdailar departamentiniń baspasóz qyzmetine silteme jasap.
Departament taratqan málimetterge qaraǵanda, jylymyq kezde jaýyn-shashynnyń mol túsýine jáne qar jamylǵysynyń turaqsyzdyǵy men biiktiginiń joǵary bolýyna bailanysty Úlken jáne Kishi Almaty sý alaptarynda 5 - 6 sáýir aralyǵynda qar kóshkini qaýpi saqtalady.
«Kóshkin júrý qaýpi yqtimal bolýyna bailanysty, qarly tik jartastarǵa shyǵýǵa bolmaidy. Taýda abai bolyńyzdar»,- delingen vedomstvanyń habarlamasynda.
Qazgidromet aýa raiy boljamyna sáikes 5 sáýirde tsiklon soltústik-shyǵysqa jyljyp, Qazaqstannyń basym bóligine yqpal etedi jáne soǵan bailanysty atmosferalyq aǵyndar kei jerlerde jaýyn-shashyn (jańbyr, qar), ońtústikte jáne ońtústik-shyǵysta nóser jaýyn alyp keledi. Kei jerlerde tuman túsip, kóktaiǵaq bolady, jel kúsheiip, soltústik-batysta – jaiaý burqasyn, ońtústik-batysta – shańdy daýyl soǵyp, ońtústikte jáne ońtústik-shyǵysta – naizaǵai jarqyldaidy.
