«25 juldyzdy kún»! Almaty oblysy Táýelsizdiktiń 25 jyldyǵyn osyndai uranmen qarsy almaq. Aimaqta mereitoilyq datany keń kólemde atap ótýdiń keshendi jospary ázirlendi. Bul týraly Almaty oblysy ákimdiginiń resmi saity habarlady.
Merekeniń negizgi baǵdarlamasyna qosymsha aitýly kúnge aishyqty reńk beretin 25 iri shara oblys turǵyndaryna erekshe syi bolmaq. «25 juldyzdy kún» 21 qarashadan bastalyp, 15 jeltoqsanǵa deiin jalǵasady.
Oblystyq ishki saiasat basqarmasynyń basshysy R. Alpysbaevtyń aitýynsha, mereitoilyq sharalar áleýmettik-ekonomikalyq damýdyń barlyq salalaryn qamtidy. Atap aitqanda, juldyzdy kúnder aiasynda zamanýi kásiporyndardyń ashylýy, jańa jumys oryndarynyń qurylýy, túrli qaiyrymdylyq sharalary, turǵyn úilerdi jáne basqa da áleýmettik mańyzdy nysandardy paidalanýǵa berý, sporttyq jarystar, kitaptardyń, derekti filmderdiń tusaýkeserleri jáne basqa da sharalar bar.
- «25 juldyzdy kúnniń» asa iri oqiǵasynyń biri retinde bir kúnde 25 balabaqshanyń qatar ashylýyn atap ótýge bolady. Olardyń barlyǵy da memlekettik-jekemenshik seriktestik negizinde salynǵan.
Taǵy bir mańyzdy shara oblystyń 25 eldi mekenine kóshpeli «Skrining» shyǵyp, meditsinalyq qyzmet kórsetetin bolady.
Oblystyń 75 eldi mekenin qamtityn «Jibek joly» qaiyrymdylyq sharasy da erekshe bolmaq. Aktsiia asynda Súiinbai atyndaǵy oblystyq filarmoniia men B. Rimova atyndaǵy drama teatrynyń, «Taldyqorǵan áýenderi» ansambliniń ártisteri gastroldik saparǵa shyǵady, - deidi R.Alpysbaev.
Mereitoi qarsańynda jańa páter kiltterin saltanatty jaǵdaida tabystaý sharalary da uiymdastyrylyp, Taldyqorǵan qalasynda 168 páterli jaldamaly úi paidalanýǵa berilse, Talǵar qalasynda jańa 64 páterdiń iesi qýanyshqa kenelmek.
«Taldyqorǵan – baq qala» aktsiiasynyń jalǵasy retinde oblys ortalyǵynda 25 myń túp aǵash otyrǵyzylady. Talantty jastar 25 kúi oryndap, bir mezette 25 taqtada shahmat oinalady.
Sonymen qatar Qarasai, Qaratal, Kerbulaq aýdandarynda 3 mektep ashylsa, ǵaryshker Aidyn Aiymbetovpen juldyzdy gid ótkiziledi.
