Táýelsizdiktiń 25 jyldyǵyna orai «25 juldyzdy kún» aiasynda Almaty oblysynda bir kúnde 2385 oryndy 25 zamanaýi balabaqsha ashyldy. Jańa balabaqshalar Ile, Qaratal, Jambyl, Panfilov, Eńbekshiqazaq, Talǵar aýdandary men Taldyqorǵan qalasynda iske qosyldydep habarlaidy "Ult aqparat" Almaty oblysy ákimdiginiń resmi saityna silteme jasap.
Qaratal aýdany Úshtóbe qa qyzmetlasynda ashylǵan 320 oryndy «Balbóbek» balabaqshasy «Nurly jol» baǵdarlamasymen salynǵan. Bilim berý mekemesiniń ashylý saltanatyna oblys ákimi A. Batalov qatysyp, quttyqtady.
- Búgin Tuńǵysh Prezident kúniniń qarsańynda Qazaqstan Respýblikasy Táýelsizdiginiń 25 jyldyǵyna orai «25 juldyzdy kún» aiasynda biz oblys boiynsha zamanaýi 25 balabaqsha ashyp otyrmyz. Bul oblys turǵyndary úshin asa mańyzdy, ári úlken shara, - dedi A. Batalov.
Munan soń oblys basshysy Memleket basshysynyń balalardy mektepke deiingi tárbiemen qamtý týraly tapsyrmasyn oryndaý baǵytynda óńirde aýqymdy jumystar atqarylyp jatqanyn atap ótti. Máselen, biylǵy jyldyń ózinde ǵana oblysta 97 balabaqsha paidalanýǵa berilgen, onyń 88-i – jekemenshik. Sondai-aq oblys ákimi memlekettik-jekemenshik áriptestik arqyly mektepke deiingi mekemeler ashý isi jaqsy jolǵa qoiylǵanyn, búgingi kúni balalardy balabaqshamen qamtý kórsetkishi 87 % qurap otyrǵanyn aitty.
- Búgingi ashylyp otyrǵan balabaqshalardyń barlyǵy da jańa talaptarǵa sai, munda balalardyń jan-jaqty damýyna barlyq jaǵdai jasalǵan. Mundaǵy múmkindikter kishkentai baldyrǵandardyń aqyldy, alǵyr bolyp ósýine yqpal etetinine senemin. Shyn júrekten barshańyzdy Tuńǵysh Prezident kúnimen jáne Qazaqstan Táýelsizdiginiń 25 jyldyǵymen quttyqtaimyn! Zor densaýlyq, tolaiym tabys, otbasylaryńyzǵa bereke tileimin, - dep sózin qorytyndylady A. Batalov.
Quttyqtaý sóz sóilegen ardager pedagog Ulbolsyn Dosmoldanova balalarǵa úshin memleket tarapynan jasalyp otyrǵan barlyq qoldaýlarǵa rizashylyǵyn bildire kele:
- Mektepke deiingi tárbie men bilim – jańa bilim men tabysqa jetýdiń alǵashqy baspaldaqtary. Oblysta jańa, zamanaýi balabaqshalardyń ashylyp jatqanyna qýanyshtymyn, - dedi.
Quttyqtaý sózden keiin A. Batalov turǵyndarmen birge balabaqsha ǵimaratyn aralap kórdi. Toptardyń jumysymen tanysyp, ashana, mýzykalyq zalda boldy. Balalardyń ázirlegen kontserttik nómirlerin tamashalap, olarǵa oiynshyqtar men estelik syilyqtar tabys etti.
Jalpy, osy kúni 25 balabaqshanyń basym bóligi Almaty qalasynyń mańynda ornalasqan halyq tyǵyz qonystanǵan aýdandarda ashylǵanyn atap ótý kerek. Máselen, Talǵar aýdanynda (Talǵar qalasy, Amangeldi, Qyzyl Tý, Rysqulov, Taldybulaq, Tuzdybastaý, Erkin aýyldary) jalpy sany 800 oryndy 9 balabaqsha, Ile aýdanynda (Ótegen batyr kenti, Jańadáýir, Baiserke, Qoianqus aýyldary) 520 oryndy 7 balabaqsha, Jambyl aýdanynda (Úmbetáli, Uzynaǵash aýyldary) 470 oryndy 4 balabaqsha, sol siiaqty Eńbekshiqazaq aýdanynda (Jańashar, Túrgen aýyldary) 2-eý, Taldyqorǵan qalasynda jáne Panfilov (Penjim aýyly), Qaratal aýdandarynda (Úshtóbe qalasy) balabaqsha bir-birden ashyldy.
Atalǵan balabaqshalar ashylǵannan keiin oblysta 3-6 jas aralyǵyndaǵy balalardy mektepke deiingi mekemelermen qamtý deńgeii Jambyl aýdanynda 94,2 %, Talǵar aýdanynda – 89,0 %, Panfilov – 85,1 %, Ile – 84,1 %, Eńbekshiqazaq – 82 %, Taldyqorǵan qalasynda 87 % kórsetkishke jetti.
Qaratal aýdanynda ashylǵan 320 oryndy balabaqshany esepke alǵanda, Qaratal aýdanynda bul kórsetkish 92 % qurap otyr. Bul balabaqshanyń qurylysy Ulttyq qordan bólingen 738 mln. teńgege «Nurly jol» baǵdarlamasy sheńberinde júrgizildi. Bul balabaqshadaǵy 16 topqa 1 jastan 6 jasqa deiingi balalar qabyldanady. Oqytý qazaq jáne orys tilderinde. Bir top inkliýzivti, iaǵni tilinde múkisi bar balalarmen jumys istese, ekinshisi sanatorlyq-saýyqtyrý, iaǵni densaýlyǵy álsiz, jii aýyratyn balalardy táýlik boiy tárbielep, saýyqtyrmaq. Eki qabatty ǵimarattaǵy mýyzkalyq jáne gimanstika zaldary eń sońǵy úlgidegi quraldarmen jabdyqtalǵan. Munda oiyn zaly, jatyn bólme, meditsinalyq kabinet, psiholog, logoped, bólmeleri, fizioterapiia kabineti qarastyrylǵan.
Balabaqsha aýlasynda oiyn alańy, fýtbol, basketbol alańdary bar. As ázirleý, kir jýý bólmelerge qajetti jabdyqtar túgel qoiylǵan.
Esterińizge salsaq, Táýelsizdik jyldary Almaty oblysynda mektepke deiingi mekemeler sany 47-den 903-ke deiin artty, balalardy balabaqshamen qamtý deńngeii 3,1-den 87 %-ke deiin ósti. Mundai sapalyq kórsetkishke memlekettik-jekemenshik áriptestik tetigin qoldaný arqyly qol jetkizildi. Almaty oblysynda jekemenshik balabaqshalar 61,2 %-dy quraidy.
Sóitip, búgingi kúni Almaty oblysynda 182 memlekettik, 288 jekemenshik balabaqshalar, 433 mektep janyndaǵy shaǵyn ortalyqtar 64,2 myń balany tárbielep otyr.
