Qańtar oqiǵasynda naqty memlekettik tóńkeris jasaýǵa umtylys boldy dep aitýǵa bolady. Oǵan qarý-jaraq dúkenderiniń tonalýy, elde haos týdyrýdy ádeii kózdegen «toptardyń» politsiia ǵimarattaryna, qalalyq ákimshilikterge, áýejaiǵa, telearnalardyń ǵimaratyna shabýyl jasaýy naqty dálel bola alady. Memleket pen qoǵamǵa qarsy uiymdasqan top bolmasa, beibit sherýge shyqqan jandarǵa mundai qanquily árekettiń eshqandai qajeti joq ekeni aidan anyq.
«Qańtar oqiǵasynda» terroristik is dep kóp adamdy sottap jiberdi. Olardyń ishinde salafitter de bar. Sonyń arasynda Ulttyq qaýipsizdik komitetimen jumys istemegen salafitterdi sottady. Al olarmen jumys isteskenderdi qataryna qosty.
Al sol tóńkeris jasaýǵa baryn salyp, qaraly qańtarǵa ainaldyrǵan jandardyń áreketinen jazyqsyz jandar, politsiia qyzmetkerleri, beibit sherýge shyqqandar qaza boldy. Eger memlekettik tóńkeriske umtylys jasaǵandardyń qandy oirany bolmaǵanda, jazyqsyz jandar qurban bolmas edi.
Ras, jurttyń bilikke narazylyǵy boldy, sol úshin de halyq beibit sherýge shyqty. Arty keleńsizdikke ulasyp, adam shyǵynyna ushyrady. Memlekette tóńkeris boldy. Elimizden, óz táýelsizdigimizden aiyrylyp qala jazdadyq. Bilikti basyp, memleketti tóńkerýge sál qaldyq.
«Qańtardaǵy oqiǵanyń» kýágeri retinde aitarym, jurttyń úreii ushyp, halyqtyń boiyn qorqynysh bilegen ýaqytta Qasym-Jomart Toqaev qashyp ketken joq. Moinyna ilingen mindetti jaýapkershiligine aldy.
Sol kezde aqparattyq qana emes, tehnologiialyq soǵys ta júrdi. Onyń ústine aqparat quraldary jekeshelendirilgen, olar solardyń soiylyn soqty. Endi boi kótere bastaǵanymyz sol edi, aqparat soǵysy áli jalǵasýda. Sondyqtan bárimiz birigýimiz kerek. Sonda ǵana elimizdi, halqymyzdy saqtai alamyz.
Aiman Omarova,
«Halyq úni» jobasynyń avtory, zańger
