Grýziianyń túrmede otyrǵan burynǵy prezidenti Mihail Saakashvilidiń densaýlyǵyn teksergen táýelsiz dárigerler "biyl qazan aiynda qamaýǵa alynǵaly kórgen azaby" densaýlyǵyna aitarlyqtai zardap tigizgen" degen qorytyndy shyǵardy, dep habarlaidy Azattyq radiosy.
18 jeltoqsanda dárigerler "qatygez qarym-qatynas, azaptaý, sapasyz meditsinalyq kómek jáne uzaqqa sozylǵan ashtyq aktsiiasy" 53 jastaǵy Saakashvilidi álsiretti, nevrologiialyq dertterin kúsheitti dep habarlady.
Táýelsiz dárigerler tobynyń múshesi, psihiatr Mariam Djishkarianidiń AFP jańalyqtar agenttigine aitýynsha, "sapaly meditsinalyq kómek kórsetilmese, Saakashvilidiń ómirine qater tónýi múmkin".
Jeti dárigerden quralǵan topty úkimettik emes "Empatiia" uiymy jasaqtaǵan.
Qamaýda otyrǵan Saakashvili zorlyq-zombylyq jasalyp jatqany jaily buǵan deiin málimdegen. Ótken aptada Grýziianyń memlekettik inspektsiiasy Saakashvilidiń shaǵymyn zertteý bastalǵanyn habarlaǵan.
Halyqaralyq Amnesty International uiymy Saakashvilige jasalyp otyrǵan áreketti "saiasi kek qaitarý" dep sanasa, AQSh memlekettik departamenti Grýziia úkimetin Saakashvilige ádiletpen qaraýǵa shaqyrǵan.
Saakashvili 2004-2013 jyldar aralyǵynda Grýziia prezidenti bolǵan. Biyl qazanda Ýkrainadan Grýziiaǵa qaita oralǵan.
"Saakashvili qyzmet babyn asyra paidalandy" dep Grýziia biligi taǵyp otyrǵan aiypty eks-prezident "saiasi astary bar aiyp" dep sanaidy. Oǵan qarsylyq retinde ashtyq jariialap, 50 kún ash otyrǵan.
Saakashvili tutqyndalǵan soń Grýziiada keiingi 10 jyldaǵy eń iri qarsylyq aktsiiasy ótken.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
