QR Bilim jáne ǵylym ministri Ashat Aimaǵambetov mektep bitirýshilerine, kolledj ben ýniversitet túlekterine sát sapar tiledi, dep habarlaidy "Ult aqparat".
«2020 jyldyń túlekterine jeke toqtalǵym keledi. Qurmetti, mektep bitirýshiler, kolledj ben ýniversitet túlekteri! Árkim bolashaǵynyń jarqyn bolǵanyn armandaidy. Sizder myqty ǵalym, tabysty kásipker ǵana emes, adamgershiligi zor jaqs adam, bilik tulǵa bolatyndyqtaryńyzǵa senimdimin. Táýekelge barý arqyly ǵana árkim ózi armandaǵan mamandyqtyń iesi bola alady. Eń bastysy múmkindikterdi paidalana bilý kerek. Esh qoryqpańyzdar. Alǵan betten qaitpaý óte mańyzdy ekenin óz basym bilemin. Naqty qadam jasap, oiyńyzdaǵyny iske asyrý kerek», - dedi Ashat Aimaǵambetov Facebook paraqshasynda jariialanǵan quttyqtaýynda.
Máselen, ministr mektep bitirgennen keiin birden ýniversitetke túse almaǵandyǵyn aitty.
«Odan uialýdyń esh qajeti joq. Meniń aldymda eki tańdaý boldy. Birinshisi - aqyly túrde oqý, ekinshisi - 1 jyl daiyndalyp, keiin UBT-ǵa qaita tapsyrý. Sol kezde 1 jyl daiyndalyp, testi qaita tapsyramyn dep sheshim qabyldadym. 1 jyl ýaqytymdy tabandy daiyndyq pen jumysqa arnap, nátijesinde kelesi jyly armandaǵan grantqa qol jetkizgen bolatynmyn», - dedi ol.
