Kóktemgi sý tasqynymen kúresý úshin Arshaly aýdanyna Aqmola oblystyq tótenshe jaǵdailar departamenti, sondai-aq, Qaraǵandy oblysynan áskeri bólimniń kúshteri kómekke jiberildi, dep habarlaidy oblystyq Tótenshe jaǵdailar departamenti baspasóz qyzmeti.
Vedomstvonnyń málimetinshe, sý tasqyny boiynsha jaǵdai qazir Tselinograd, Arshaly aýdandarynda kúrdelenip otyr. Esil ózeniniń arnasyna aǵyn sýdyń ulǵaiýy, sondai-aq Astana sý qoimasynan sekýndtyna 350 tekshe metr sý aǵyzylýy №42 Razezd stansasy jáne Jibek joly aýyly kóshelerindegi eldi mekenderdi sý basý qaýpi paida boldy.
Qazirgi kezde, bul eldi mekenderde qutqarýshylar sý tasqynyn boldyrmaý úshin táýlik boiy jumys istep jatyr.
«Astana sý qoimasynan aǵyn sýdyń artýyna bailanysty Arshaly aýdany, Jibek Joly aýylynyń 8-shi shaǵyn aýdany úshin qaýip týyndap otyr. Osyǵan bailanysty Azamattyq qorǵanys polkiniń 52 859 áskeri bólimi kúshteriniń jeke quramynan 50 adam, sonymen qatar 3 birlik tehnika jiberildi. Sondai-aq, TJD Aqmola garnizonynyń kúshterinen 30 adam, 3 birlik tehnika, 4 motopompa kúshteri biriktirildi. Qazirgi ýaqytta Jibek joly aýylynyń ainalasyndaǵy qorshaýdy nyǵaitý úshin qum salynǵan qaptar tóselip jatyr», - deidi Aqmola oblystyq TJD bastyǵy Nurlan Atyǵaev.
Sonymen birge, Arshaly aýdanyndaǵy jergilikti atqarýshy organdar men qutqarýshylar 6550 qapqa inertti materialdardy toltyryp, 3200 qap tósedi, 6720 tekshe metr sý sordy. Osynda TJD bastyǵynyń basshylyǵymen shtab ornalastyryldy.
