Ózbekstan astanasy Tashkent mańynda koronavirýs pandemiiasy kezinde naýqastar men karantinge jatqyzylatyn adamdarǵa arnalǵan on myń oryndyq infektsiia aýrýhanasy salynyp jatyr. 22 sáýirde Qurylys jumystarymen ainalysyp jatqan Enter Engineering kompaniiasy meditsinalyq mekemeniń alǵashqy bóligi mamyrda ashylatynyn málimdedi.
"Aýrýhanada virýs juqtyrǵandar emdeledi jáne shetelden kelgen Ózbekstan azamattary karantinge jatqyzylady" dedi kompaniianyń bas direktory Shohrýh Sattarov.
Onyń sózinshe, aýrýhananyń qalǵan bóliginiń qurylysy bir ai kóleminde aiaqtalady.
Naýryzdyń sońynda Ózbekstan densaýlyq saqtaý ministrligi Qytaidyń Ýhan qalasyndaǵy eki aptada daiyn bolǵan aýrýhananyń úlgisimen meditsina mekemesi salynatynyn habarlaǵan.
23 sáýirdegi resmi málimetke sai, Ózbekstanda 1716 adamnan koronavirýs tabyldy. Jeti adam qaitys boldy.
