© Photo : SS0 / Alexas_Fotos
Shyǵys Qazaqstan oblysynyń kedenshileri tárkilengen taýarlardy balalar jáne qarttar úiine tapsyrdy, dep habarlady Sputnik Qazaqstan qarjy ministrliginiń baspasóz qyzmetine silteme jasap.
Deklaratsiialanbaǵan aiaq kiim, kiim, oiynshyqtar, shyǵarmashylyq jiyntyqtary jáne basqa da taýarlar (barlyǵy 982 qorap) 2021 jyldyń sáýirinde "Baqty" keden beketinde tárkilendi. Olardy Qytaidan Vengriiaǵa apara jatqan. Tárkilengen taýarlardyń jalpy quny 42 million teńgege baǵalandy.
"Semei kólik prokýratýrasynyń sotqa deiingi tergeýi aiasynda taýar zattai dálel retinde ShQO boiynsha memlekettik kirister departamentine "reeksport" kedendik rásimine ornalastyrý úshin berildi. Alaida tasymaldaýshy da, taýar iesi de keri eksport kedendik rásimin málimdeý úshin shara qabyldaǵan joq", − dep málimdedi qarjy ministrligi.
Taýarlar ýaqytsha saqtaý qoimasyna ornalastyryldy. Sodan keiin departament komissiiasy zattardy balalar, qarttar men múgedekter úiine, balabaqshalarǵa, mektepterge, meditsinalyq jáne áleýmettik mekemelerge berýge sheshim qabyldady.
