Reseidiń Hanty-Mansiisk qalasynda ótip jatqan shahmattan áielder arasyndaǵy álem chempionaty qarashanyń 23 juldyzyna deiin jalǵaspaq. Jerlesimiz Jansaia Ábdimálik jarystyń ¼ finalyna shyǵyp, otandyq shahmat tarihynda buryn-sońdy bolmaǵan nátije kórsetip otyr. Bul týraly Qazaqstan shahmat federatsiiasynyń baspasóz qyzmeti habarlady.
Buǵan deiin Qazaqstannyń shahmat tarihynda sportshylardyń tórtinshi raýndqa deiin jetken jetistigi bolǵan emes. Mundai dárejege alǵash ret Jansaia Ábdimálik jetip otyr.
«Eresekter arasynda qatysyp jatqan alǵashqy chempionatym. Maǵan ońai bolmaitynyn túsindim. Sebebi qarsylastarym – tájiribeli, titýly kóp sportshylar. Buǵan deiin jasóspirimder men 20 jasqa deiingilerdiń arasynda álem chempionatynda jeńgenmin», - dep bólisti Jansaia.
Hanty-Mansiiskidegi «Ýgra» shahmat akademiiasyna álemniń 29 elinen 64 úzdik sportshy Álem chempiony atanýǵa jinaldy. Jarys nokaýt-týrnir júiesi boiynsha ótip jatyr. Iaǵni, oiynshy bir ret jeńilse, jarystan shyǵyp qalady. Ár raýnd saiyn qatysýshylardyń sany eki ese azaia beredi.
