© onlinetaraz
25 mamyrda Tarazdaǵy Táýke han kóshesinde ornalasqan "Qazaq handyǵy" monýmentiniń mańynda Lexus kóligi kanalǵa túsip ketken. Tizginde 17 jastaǵy oqýshy bolǵan, - dep habarlaidy Tengrinews.kz tilshisi Instagram-daǵy taraz_police pabligine silteme jasap.
Politsiia málimetinshe, saqtandyrý polisine sáikes avtokólik quralyn júrgizgen 21 jastaǵy Lexus júrgizýshisi tanys túlektermen birge bitirý keshin atap ótý úshin "Qazaq handyǵy" monýmentine kelgen.
Júrgizýshi sharýasymen júrgende onyń jolaýshysy - 17 jastaǵy mektep túlegi óz erkimen kólik tizgindegen. Osy kezde jas jigit tejegish pen gaz pedaldaryn shatastyryp alyp, tizginge ie bola almai, kanalǵa túsip ketken. Abyroi bolǵanda, túlek zardap shekpegen.
"Osy quqyqbuzýshylyq úshin kámeletke tolmaǵan oqýshy ata-anasynyń qatysýynda ÁQBtK-niń 612-babynyń 2-bóligi ("Kólik quralyn basqarýǵa quqyǵy joq adamnyń basqarýy") boiynsha ákimshilik jazaǵa tartylǵan. Túlektiń ata-anasyna 20 AEK (63 600 teńge) kóleminde aiyppul salyndy. Ata-analarmen profilaktikalyq áńgime júrgizildi", - dep habarlady vedomstvo ókilderi.
