5 jastaǵy balalar tserebraldy sal aýrýyna shaldyqqan mektep oqýshysy, tarazdyq aqyldy bala Isaak Mýstopýlo Londonda fizik-teoretik, professor Stiven Hokingpen kezdesti, dep habarlaidy "Ult aqparat".
Kezdesý Ulybritaniiaǵa jasalǵan oqytý-tanystyrý sapary aiasynda jasaldy. Bul týraly Tehnologiialyq damytý jónindegi ulttyq agenttiktiń baspasóz qyzmeti málim etti.
Kezdesýdi Astana qalasynyń ákimi Áset Isekeshev, «Eir Astana» prezidenti ári atqarýshy direktory Piter Foster British Council-men birlese otyryp uiymdastyrdy.
Balalar tserebraldy sal aýrýyna shaldyqqan 15 jastaǵy mektep oqýshysy Isaak Mýstopýlo «Tehnologiialyq damý jónindegi ulttyq agenttik» AQ jáne British Council uiymdastyrǵan baiqýdyń arnaiy syilyǵyna ie boldy. Baiqaý barysynda jas ǵalym «Úndestik teoriiasy» dep atalatyn videoroligin usyndy. Onda ǵarysh apparattaryna arnalǵan elektr energiiasynyń óndiristik protsesi kórsetilgen.
Isaak óziniń kýmiri Stiven Hokingpen kezdesýdi uzaq ýaqyt armandaǵan. Taraz qalasynan shyqqan ol týǵannan múgedekter arbasyna tańylǵan. Óziniń armany jaily ol buryn QR investitsiialar jáne damý ministri bolǵan Áset Isekeshevke aitqan bolatyn.
