Jambyl oblysynda sottalǵan er adam, politseilerden qashyp ketken. Ol úsh kúnnen keiin tabyldy, dep habarlaidy "Ult aqparat".
Oblystyq Politsiia departamentiniń baspasóz qyzmetinen málim etkendei, Taraz qalasynyń 26 jastaǵy turǵyny Ivan Iýrevich Zozýlia jazasynan erte bosatylýyna bailanysty belgilengen tártipti buzǵany úshin Taraz qalalyq №2 soty ony 2 jyl 10 ai 17 kún merzimge qamaqqa alý týraly úkim shyǵarǵan. 5 tamyz kúni saǵat 17:30 shamasynda Qylmystyq-atqarý júiesi departamentiniń 158/1 mekemesine aidaýyldaý barysynda, I.Zozýlia belgisiz baǵytta qashyp ketip, boi tasalaýǵa tyrysqan.
«Politsiia qyzmetkerleri júrgizgen jedel-izdestirý is-sharalarynyń barysynda 8 tamyzda saǵat 21.00 shamasynda sotty bolǵan Zozýlia Taraz qalasynyń «Qarasý» shaǵynaýdanynan ustaldy.
Osy fakti boiynsha QK 426-babymen, iaǵni, kúzetten qashqany úshin sotqa deiingi tergep-tekserý júrgizilýde. Bul qylmysty jasaǵany úshin úsh jylǵa deiin bas bostandyǵynan aiyrý jazasy qarastyrylǵan», - delingen vedomstvo habarlamasynda.
Kúdikti óz kinásin tolyq moiyndady jáne tergeý izoliatoryna qamaqqa alyndy.
Aita keteiik, Zozýlia 2012 jyly zańsyz qarý saqtaǵany jáne esirtki zattaryn satqany úshin 10 jylǵa bas bostandyǵynan aiyrylǵan.
