Búgin Taraz qalasynda «ANCIENT TARAZ – 2017» Halyqaralyq týristik forýmy men halyqaralyq kórmeniń resmi ashylýy bolyp ótti. Is-sharany Jambyl oblysy Ákimdiginiń kəsipkerlik jəne indýstriialyq-innovatsiialyq damý Basqarmasynyń «Taraz-Týrizm» týristik aqparattyq ortalyǵy» KMM uiymdastyrdy.
Forým jumysyna Eýropa, Qytai, Túrkiia, Soltústik Kipr, Ázirbaijan jáne Ortalyq Aziia elderiniń ókilderi qatysýda.
Forým qatysýshylarynyń aldynda Jambyl oblysynyń ákimi Kárim Kókirekbaev, Qazaqstan, Qyrǵyzstan, Tájikstan jáne Ózbekstan boiynsha IýNESKO-nyń Klasterlik Biýrosynyń direktory Pikkat Krist myrza sóz sóiledi.
Joǵary mártebeli qonaqtar Forým qatysýshylaryna birlesken nietter men jobalardy iske asyrý úshin tájiribelik sheshimderdi izdeý jolynda ónimdi jumys tiledi.
Forýmnyń basty taqyryptary Jambyl oblysynyń týristik áleýeti men investitsiialyq tartymdylyǵyn damytý, básekege qabiletti týristik ónimderdi qalyptastyrý jolynda aimaqaralyq jáne halyqaralyq yntymaqtastyqtyń jańa formalary, túrli maqsatty aýditoriialarǵa «ANCIENT TARAZ» týristik saýda belgisin jyljytý, týristik qyzmet sapasyn arttyrý, aimaqtyń týristik infraqurylymyn salý jáne jańǵyrtý máseleleriniń tóńireginde órbidi.
Forým uiymdastyrýshylarynyń pikiri boiynsha, «ANCIENT TARAZ» aimaqtyq týristik saýda belgisi ózimizdiń týristermen qatar basqa eldiń de týristeri úshin keleshegi zor tartymdy ortalyq bolyp tabylady. Jambyl oblysy, Qyzylorda jáne Ońtústik Qazaqstan oblystarymen qatar, «Uly Jibek jolyn jańǵyrtý» týristik klasterine kiredi.IýNESKO Búkilálemdik mádeni mura tizimine enetin Uly Jibek jolynda ornalasqan bes memlekettik tabiǵi qaýmaldar men bes mádeniet eskertkishteriniń bolýy aimaqty kóptegen týrister úshin óte tartymdy etedi.
«Qazaqstan aimaqtarynda «ANCIENT TARAZ» sekildi sapaly týristik saýda belgilerin qurý jáne jyljytý ishki, ári kirý týristik aǵyndarynyń ósýine sebepker bolady. Jambyl oblysynyń áleýeti zor. Munda 3365 tarihi-mádeni eskertkishter, sonyń ishinde 2934 arheologiia eskertkishteri, 111 tarih eskertkishteri, 97 arhitektýra eskertkishteri men 28 monýmentaldy óner eskertkishteri bar. Qazir biz ózimizdiń týristik ónimimizdi respýblika men odan tys aýmaqta jyljytýdyń josparyn qurýǵa, sondai-aq, qyzmet pen infraqurylym sapasyn arttyrýǵa tiispiz. Uiymdastyrýshylar bul Forým osy mindetterdiń barlyǵynyń sheshilýine yqpal etedi degen senimde», - dep atap ótti Forým ashylýynda Qazaqstandyq týristik qaýymdastyqtyń direktory Rashida Shaikenova.
Qazirgi tańda Jambyl oblysynda 44 týristik firma, 150 qonaqúi, 1 kiiz úili qalashyq, 8 demalys aimaqtary, 10 balalarǵa arnalǵan saýyqtyrý lagerleri, biregei emdik qasietke ie balshyqtary men mineraldy sýlary bar 5 shipajailyq-kýrorttyq saýyqtyrý oryndary qyzmet etedi.
Oblysta aimaqtaǵy týrizm týraly barlyq aqparat usynylatyn Týristik aqparattyq ortalyq qurylǵan munda oblysqa kelgen árbir týrist ózine qajetti paidaly aqparatqa qanyǵa alady. Ortalyq «bir tereze» qaǵidasymen qyzmet etip, týristti tirkeýden bastap, týrlar men baǵyttardy tańdaýǵa deiingi qyzmetterdiń tolyq qataryn qamtamasyz etedi.
«ANCIENT TARAZ – 2017» Halyqaralyq týristik forýmy men halyqaralyq kórme qarsańynda qala biligi Jambyl oblysynyń týristik múmkindikterin áigileý maqsatynda qytai jáne otandyq týroperatorlarǵa arnalǵan aqparattyq-tanystyrymdyq saiahattar ótkizdi.
Forým aiasynda QR Mádeniet jáne sport ministrliginiń qoldaýymen «Qazaqstannyń Uly Jibek joly boiymen saiahat» Halyqaralyq Festivali, sondai-aq, Jambyl oblysynyń Ákimdiginiń kəsipkerlik jəne indýstriialyq-innovatsiialyq damý Basqarmasynyń qoldaýymen «TARAZ FASHION DAY» Is-sharasy ótti.
