Aǵymdaǵy jyldyń 3 sáýirinde aty ańyzǵa ainalǵan politsiia kapitany Ǵaziz Baitasov 50 jasqa tolar edi. Erjúrek politseidiń esimin qazaqstandyqtar, ásirese jambyldyqtar eshqashan umytpaidy, - dep habarlaidy "Ult aqparat".
Búginde ózi oqyǵan mektep, oblys ortalyǵyndaǵy kóshe batyrdyń atymen atalady. Politsiia departamentiniń aldyna Ǵaziz Baitasovtyń biýsti ornatylǵan. Jyl saiyn politsiia kapitanynyń týǵan kúninde jáne óz basyn qurban ete otyryp, qaýipti terroristti toqtatqan kúninde quqyq qorǵaý organdarynyń qyzmetkerleri túrli eske alý sharalaryn ótkizip keledi.
Aldaǵy sáýir aiynyń basynda oblys ortalyǵyndaǵy «Jeńis» saiabaǵynda politsiia departamentiniń bastamasymen jáne oblys ákimdiginiń qoldaýymen Halyq Haharmanyna eskertkish ornatylmaq. Búgin bilik jáne quqyq qorǵaý organdary ókilderiniń, depýtattar men batyrdyń týystarynyń qatysýymen eskertkishtiń irgetasy qalandy.
«Ǵaziz Baitasov «Halyq Qaharmany» joǵary ataǵyn alǵan birinshi jáne jalǵyz politsei bolyp tabylady. Bizdiń bastamamyzǵa qoldaý bildirgeni úshin oblys jáne Taraz qalasynyń basshylyǵyna shyn júrekten rizashylyǵymdy jetkizgim keledi», - dedi politsiia departamentiniń bastyǵy Janat Súleimenov.
«Men ózimniń jáne balalarymnyń atynan Ǵazizdi eske alýshylardyń barlyǵyna, eń aldymen onyń áriptesteri men jergilikti bilikke alǵys aitqym keledi. Bizdi árqashan umytpai, elep, eskerip, kóptegen is-sharalarǵa qurmetti qonaq retinde shaqyryp otyrady. Al «Jeńis» saiabaǵynan eskertkishtiń ashylýy onyń janqiiarlyq erliginiń laiyqty baǵasynyń jáne kórsetilgen qurmettiń taǵy bir kórinisi dep bilemin», - deidi batyrdyń jesiri Gúljamal Tájieva.
Batyrdyń mereitoiyna orai ashylatyn eskertkish halqymyzdyń jáne onyń batyr perzentteriniń erligi men órliginiń naǵyz simvolyna ainalmaq. Óitkeni, Ǵaziz Baitasovtyń ónegeli ǵumyry – elimizdiń óskeleń jas urpaǵy úshin jarqyn úlgi. Atalǵan eskertkishtiń ashylýy aǵymdaǵy jyly Táýelsizdigimizdiń 30 jyldyq mereitoiyn atap ótetin azat eldiń tarihyna altyn áriptermen jazylary sózsiz.
