Tarazda áskeri bólimnen qashyp ketip, 4 kúnnen beri izdestirilip jatqan sarbaz tabyldy. Bul týraly QR Qorǵanys ministrliginiń baspasóz qyzmeti habarlady.
Vedomstvonyń baspasóz qyzmeti Tarazda áskeri bólimnen qashyp ketken sarbazdyń tabylǵanyn málim etti. Oqiǵanyń mán-jaiy tolyǵyraq keiin habarlanady.
Eske sala ketsek, Tarazda merzimdi qyzmettegi sarbaz áskeri bólimnen qashyp ketken. Túngi kezekshilik kezinde joǵalyp ketken 19 jastaǵy jigitti 4 kúnnen beri izdegen.
Áskerilerdiń aitýynsha, Nurasyl Arysbaev túngi saǵat úsh shamasynda áskeri bólimnen eshkimge eskertpesten ketip qalǵan. Janyndaǵy serigi de baiqamaǵan. Sarbaz áli 6 ai áskeri boryshyn óteýi kerek. Nurasyldyń ketip qalǵanyna áskeriler tańǵalyp otyr. Olardyń aitýynsha, sarbaz basqalarmen qarym-qatynasy jaqsy, sabyrly.
Jaýaptylar onyń qolynda qarý joq ekenin málimdedi.
