Jambyl oblysynda politseiler jergilikti turǵynnyń 20 mln teńge turatyn áshekeilik buiymdaryn aldap, alyp ketken alaiaqty ustady, dep habarlaidy QazAqparat.
Taraz qalasynyń politsiiasyna Jambyl aýdanynyń turǵyny, 42 jastaǵy áiel habarlasyp, óziniń altyn buiymdaryn satpaq bolǵan. Oǵan beitanys áiel habarlasyp, altyndaryn tiimdi baǵamen satyp beretinin qan. Alaida ol altyndy alyp, aqshasyn sol boiy bermegen.
«Jedel-izdestirý is-sharalarynyń nátijesinde tártip saqshylary 31 jastaǵy jergilikti turǵyndy anyqtap, ustady, kúdikti kinásin moiyndady. Atalǵan derekke qatysty QR QK 190-babynyń 1-bóligi (Alaiaqtyq) boiynsha sotqa deiingi tergeý bastaldy, qazirgi tańda tergeý sharalary jalǵasýda. Atalǵan qylmysty jasaǵany úshin QR Qylmystyq kodeksiniń talaptary boiynsha múlkin tárkilei otyryp, 2 jylǵa deiingi merzimge bas bostandyǵyn shekteý nemese sol merzimge bas bostandyǵynan aiyrý túrindegi jaza kózdelgen», - delingen Politsiia departamenti baspasóz qyzmetiniń habarlamasynda.
Politsiia departamenti azamattarǵa kórineý qylmystyq jolmen tabylǵan múlikti satyp alý nemese ótkizý QR QK 196-babynda kózdelgen qylmystyq jaýaptylyqqa ákep soǵatynyn eskertedi.
