Jambyl oblysynyń Densaýlyq saqtaý basqarmasy ókili Tarazda zardap shekken koloniia qyzmetkerleriniń jaǵdaiy týraly aitty, - dep habarlaidy Massaget.kz.
Vedomstvo málimetinshe, 1 tamyzda saǵat 08.39-da jedel járdem stantsiiasyna QAJ departamentiniń TJ-158/7 mekemesinen qońyraý túsken. Oqiǵa ornyna eki jedel járdem brigadasy barǵan. Mekemeniń meditsina qyzmetkerleri zardap shekkenderge alǵashqy kómek kórsetken. Keiin olar oblystyq aýrýhanalarǵa jetkizilgen.
"Qazir zardap shekkender jansaqtaý bóliminde jatyr. Olar shuǵyl túrde Taraz jedel meditsinalyq járdem aýrýhanasyna jetkizildi. Dárigerler olarǵa birden ota jasady", - dedi Jambyl oblysy Densaýlyq saqtaý basqarmasynyń basshysy Áset Qaliev.
Oblystyq densaýlyq saqtaý basqarmasy ókili zardap shekken eki adamnyń jaǵdaiy ortasha, bireýi turaqty ekenin atap ótti.
Eske salaiyq, buǵan deiin Jambyl oblysyndaǵy JD-158/7 túzeý mekemesinde sottalýshy túrmeniń úsh qyzmetkerine shabýyl jasap, olardy jaralaǵany habarlanǵan bolatyn.
