Búgin Taraz qalasynyń jańa ákimi taǵaiyndaldy. Budan bylai bul qyzmetti Qairat Áskerbekuly Dosaev atqaratyn bolady. Oblys ákimi Asqar Myrzahmetov shahardyń jańa basshysyn qala aktivine tanystyryp, jumysyna sáttilik tiledi, dep habarlaidy "Ult aqparat".
Óz sózinde óńir basshysy Qairat Áskerbekulynyń memlekettik qyzmettegi tájiribesin eskere kele, jańa qyzmette de qalanyń ekonomikalyq-áleýmettik damýy jolynda nátijeli eńbek etetinine senim artty.
Qairat Áskerbekuly Dosaev, 1965 jyly týǵan, ulty qazaq, bilimi joǵary. 1987 jyly Qazaqtyń Eńbek Qyzyl Tý ordendi aýylsharýashylyq institýtyn «aýylsharýashylyǵyn mehanikalandyrý», 2007 jyly Abai atyndaǵy Qazaq Ulttyq pedagogikalyq ýniversitetin «ekonomist» mamandyqtary boiynsha bitirgen.
Q.Dosaev óz eńbek jolynyń ár jyldarynda «Kazselhozmehanizatsiia» ǵylymi-óndiristik birlestiginiń jáne «Altyn diirmen» AQ-nyń injeneri, «Desht» JShS-niń direktory, Almaty qalalyq tótenshe jaǵdailar basqarmasynyń bólim bastyǵynyń orynbasary, Almaty qalasy Bostandyq aýdanynyń tótenshe jaǵdailar bóliminiń sektor meńgerýshisi, bastyqtyń orynbasary, Qazaqstan Respýblikasy Tótenshe jaǵdailar agenttigi tóraǵasynyń kómekshisi, Almaty oblysy ákiminiń kómekshisi, Taldyqorǵan qalasy ákiminiń orynbasary, Qaratal aýdanynyń ákimi, Almaty oblysynyń tabiǵi monopoliialardy retteý jáne básekelestikti qorǵaý jáne tarifter jónindegi basqarmalarynyń bastyǵy, Qazaqstan Respýblikasy Tótenshe jaǵdailar ministriniń keńesshisi, «Kazsportinvest» AQ-nyń vitse-prezidenti, Jambyl oblysy Qordai aýdanynyń ákimi qyzmetterin atqarǵan.
2017 jyldyń naýryzynan bastap Jambyl oblysy Shý aýdanynyń ákimi laýazymynda qyzmet atqaryp keldi.
Sondai-aq, búgin Jambyl oblysy ákimi apparatynyń basshysy bolyp Rústem Rysbaiuly Dáýlet taǵaiyndaldy.
R. Dáýlet 1974 jyly týǵan, bilimi joǵary. Ol 2018 jylǵy sáýirden bastap Jambyl oblysy ákiminiń keńesshisi qyzmetin atqaryp keldi.
