Kókshetaýda tanysyn jezókshelikpen ainalysýǵa májbúrlegen 27 jastaǵy áiel ustaldy, dep habarlaidy "Ult aqparat" Aqmola oblystyq sotynyń baspasóz qyzmetine silteme jasap.
Vedomstvonyń málimetinshe, óńirde «Stop-trafik» jedel aldyn alý sharasy ótip jatyr.
Aktsiianyń birinshi kúni aqmolalyq politseiler adam saýdasyna qatysty qylmystyń jolyn kesti.
«Kókshetaý qalalyq PB kriminaldyq politsiia bóliminiń qyzmetkerleri qorqytý jáne bopsalaý jolymen jezókshelikpen ainalysýǵa óziniń buryn tanysyn tartqan 1994 jyly týǵan kúdiktini anyqtady. Atalǵan fakti boiynsha Qylmystyq kodekstiń 308 babynyń 1-shi bóligi boiynsha is qozǵalyp, sotqa deiingi tergeý amaldary júrgizilýde. Kúdiktige qatysty «kelý týraly mindetteme» protsessýaldyq májbúrleý sharasy tańdaldy», - dedi vedomstvodan.
Eske salaiyq, Aqmola oblysy aýmaǵyna 16-18 maýsym aralyǵynda «Stop-trafik» jedel aldyn alý sharasy bastaldy.
Shara aiasynda jedel ýákilder profilaktikalyq áńgimeler júrgizip, azamattarǵa adam saýdasynyń, zańsyz bas bostandyǵynan aiyrýdyń, eńbek nemese jynystyq quldyqtyń qurbany bolmaý týraly eskertedi.
