Ulybritaniia men Irlandiiadaǵy «BT Sport» sporttyq arnalar toby qazaqstandyq boksshy Gennadii Golovkinniń (38-0-1, 34KO) mansabyndaǵy eń mańyzdy TOP-5 nokaýtyn kórsetti. Bul týraly «Qazaqstannyń kásipqoi boksy» toby VKontakte áleýmettik jelisinde jazdy, dep habarlaidy "Ult aqparat".
Tanymal resýrstyń pikiri boiynsha, Golovkin Dominik Ýeid (2016), Gjegoja Proksa (2012), Mettiý Maklin (2013), Nobýhiro Isida (2013) jáne Marko Antonio Rýbiomen (2014) aiqastarynda qarsylastaryn nokaýtqa túsirip, jurtty tańǵaldyrǵan.
Eske salaiyq, otandyq chempion óziniń aldaǵy jekpe-jegine qyzý daiyndyq ústinde. 15 qyrkúiekte Golovkin T-Mobile Arena-da meksikalyq boksshy Saýl «Kanelo» Alvareske qarsy ekinshi aiqasyn ótkizedi.
