Elimizdiń birqatar óńirinde epidemiologiialyq ahýaldyń turaqsyzdanýyna bailanysty sanitarlyq beketter qoiylyp, shekteý sharalary kúsheitilýde. Osyǵan orai tanymal qazaqstandyq estrada ánshileri men juldyzdary el azamattaryn karantin sharalaryn saqtaýǵa ári jaqyndarynyń densaýlyǵyna jaýapkershilikpen qaraýǵa shaqyrdy, dep habarlaidy "Ult aqparat".
"Qurmetti aǵaiyn, 2020 jyl adamzat úshin qiyndyqqa, synaqqa toly jyl boldy. COVID-19 indetiniń ári qarai taramaýy, onyń toqtaýy óz qolymyzda! Sondyqtan halyq kóp jinalǵan jerlerden aýlaq bolyp, betperde taǵyp júrýdi umytpańyzdar! Qiyndyqty birge jeńemiz!", - deidi jeztańdai ánshi Jubanysh Jeksenuly.
Osy oraida, tanymal óner iesi Beibit Kóshqaliev te biylǵy jiyldyń qiyn bolǵanyn tilge tiek etip, saq bolýǵa shaqyrdy.
"Qurmetti aǵaiyn, 2020 jyl barshamyzǵa synaqty jyl boldy. COVID-19 virýsynan aman-saý bolýlaryńyz úshin adamdar kóp júretin jerlerde ózderińizdi abai, saq ustańyzdar jáne maska kiiýdi umytpańyzdar!", - dedi ol.
Sonymen qatar Qazaqstannyń eńbek sińirgen ártisi, ánshi Igor Blagodarnyi da el azamattaryn otbasy jaiynda oilaýǵa, bógde adamdarmen qarym-qatynasty barynsha shekteýge úndedi.
"Qurmetti qazaqstandyqtar, qurmetti dostar, betperde taǵýdy umytpańyz! Betperde taǵý - ózińizdi jáne otbasyńyzdy qutqarýdyń eń qarapaiym tásili. Sizderge, jaqyndaryńyzǵa zor densaýlyq, mol baqyt tileimin. Aman-saý bolyńyzdar!
Dorogie kazahstantsy, dorogie drýzia, ne zabyvaite odevat maský! Ved ot etogo zavisit zdorovia vashih rodnyh i blizkih! Beregite sebia i býdte zdorovy! Schastia vam i protsvetaniia!", - dedi ol.
