Foto: akterdiń facebook paraqshasynan
Belgili satirik, akter ári rejisser Asqar Naimantaev dúnieden ozdy, - dep habarlaidy "Ult aqparat".
Óner iesi osydan bes kún buryn ǵana áleýmettik jelidegi paraqshasynda aýrýhanada jatqan sýretterin bólisken bolatyn.
Asqar Ábdiǵalymuly 1965 jyly, 17 maýsymda Almaty oblysy, Narynqol aýylynda dúniege kelgen.
Akter «Tamasha» oiyn-saýyq otaýy arqyly kópshilikke tanymal. Sondai-aq ol «Terisqaqpai», «Aqqý-Gákký» komediialyq teatrlaryn ashyp, kino jáne teatr sahnasynda birqatar rólimen este qaldy.
Asqar Naimantaev - «Qazaqstannyń eńbek sińirgen qairatkeri» ataǵynyń iegeri. Ol "Domashnie voiny", "Bastyq bolamyn", "OryStar v Shymkente", "Detektiv áje", "Týysqandar", "Buiymtai", "Ósekshiler", "Vnýki v aýle" komediialyq serialdarynda, Satybaldy Narymbetovtyń "Amanat", Baqytas Sanitastyń "Tezek" filmderinde oinady.
Birneshe pesa, kinostsenarii, telejoba men aýdarmanyń avtory. 2018 jyly stýdentterge arnalǵan “Konferanse - akter jáne kórkemsóz sheberi” kitaby men “Altyn tordan shyqqan án” atty jinaǵy jaryq kórdi.
2020 jyly Almaty oblysy Raiymbek jáne Uiǵyr aýdandarynda "Hantáńiri" jáne "Qaradala" teatrlaryn ashty.
Ult portalynyń ujymy qazaq jurtyna qadirli bolǵan azamattyń mezgilsiz dúnieden ozýyna bailanysty onyń otbasy men týǵan-týystaryna qaiǵyryp kóńil aitady.
Marqumnyń jatqan jeri jaily, topyraǵy torqa bolsyn! Jaratqan rahymyna bólep, artynda qalǵan urpaǵyna uzaq ǵumyr bersin!
