Foto: ashyq derekkóz
Qazaqstannyń 8 óńirinde egin jinaý naýqany bastaldy, dep habarlaidy Ult.kz.
Prezident Qasym-Jomart Toqaevtyń tapsyrmasy boiynsha júrgizilip jatqan jumystar sheńberinde aýyl sharýashylyǵy taýaryn óndirýshilerdi qoldaýǵa erekshe nazar aýdarýda: qolaily jaǵdailar jasaý táýekelderdi azaitýǵa jáne eldiń azyq-túlik qaýipsizdigin nyǵaitýǵa yqpal etedi.
Búgingi tańda elimiz boiynsha 903,9 myń ga dándi daqyldar, 1,2 mln tonna astyq, 5,7 myń tonna maily daqyldar, 343,6 myń tonna kartop, 1,1 mln tonna kókónis jáne 1,4 mln tonna baqsha daqyldary jinaldy.
El boiynsha jappai egin jinaý naýqany tamyzdyń úshinshi onkúndiginde bastalady. Egin jinaý jumystaryna barlyǵy 139 myń traktor, 31 myń astyq jinaityn kombain, 17 myń oraq jáne 130 myń basqa tehnika jumyldyrylady. Búgingi tańda jalpy daiyndyq 93%-dy quraidy.
Óńirlerge egin jinaý jumystaryn júrgizýge 254 teńge/litrge jeńildikti baǵamen 402 myń tonna dizel otyny bólindi, bul naryqtyq qunnan 18-20%-ǵa arzan.
