Elektrondyq eńbek birjasynyń derekterine sáikes, tamyz aiynda jumys izdeýshiler men jumys berýshiler 57,5 myń túiindeme men 113,1 myń bos jumys orny jóninde habarlama ornalastyrdy, dep habarlaidy "Ult aqparat" Eńbek jáne halyqty áleýmettik qoldaý ministrligine silteme jasap.
Shildemen salystyrǵanda túiindeme sany 20%-ǵa, al bos oryndar týraly habarlandyrý sany 38%-ǵa artty. Jańa oqý jyly qarsańynda Almaty (+130%), Jambyl (+142%) jáne Mańǵystaý (101%) oblystarynda joǵary bilikti mamandardyń, ásirese orta mektep muǵalimderi bos oryndarynyń aitarlyqtai ósýi baiqalady.
Tamyz aiynda kásibi mamandar arasynda belsendiliktiń artýy baiqaldy. Máselen, ótken aimen salystyrǵanda bos oryndar sany 135% - ǵa (+16,7 myń birlik), al túiindeme 71% - ǵa (+21,2 myń) artty. Sonymen qatar, bul top arasynda eń kóp suranysqa ie shet tilderi (+1,8 myń), orys tili men ádebieti (+1,7 myń), sondai-aq bastaýysh synyp pen matematika (+1,2 myń) mamandyqtary boldy.
Sonymen qatar, izdenýshiler arasynda orta mektep, onyń ishinde shet tili (+1,4 myń), bastaýysh synyp (+844), dene shynyqtyrý (+810) jáne qazaq tili (+725) muǵalimderiniń túiindemeleri sanynyń ósýi baiqalady.
«Ótken aida usynys joǵary bilikti kadrlardyń belgili bir mamandyqtaryna degen suranysty ishinara qanaǵattandyrdy jáne osy salada keibir mamandardyń tapshylyǵy jáne basqalardyń artyq bolýy qalyptasty. Mysaly, jumys izdep júrgen dene shynyqtyrý jáne sport muǵalimderi talap etilgennen kóp boldy – 1 269 túiindemege 805 bos jumys orny, al 1 180 túiindemege qazaq tili men ádebieti muǵalimderiniń 788 bos orny ǵana keldi», – dep atap ótti QR Eńbekmini «Eńbek resýrstaryn damytý ortalyǵy» AQ Basqarýshy direktory Aleksandra Molchanovskaia.
EEB-daǵy túiindemeler men bos jumys oryndarynyń sanyn salystyrý belgili bir mamandaný muǵalimderimen qatar naryqta qyzmet kórsetý jáne satý salasyndaǵy qyzmetkerlerdiń tapshylyǵy bar ekenin kórsetti.
Mysaly, tamyz aiynda kúzetshi (399 túiindemege 2 189 bos oryn), satýshy konsýltant (171 túiindemege 1 169 bos oryn), kassir (139 túiindemege 910 bos oryn), aspazdar (500 túiindemege 1 255 bos oryn), sondai-aq tárbieshi kómekshisi (271 túiindemege 1024 bos oryn) kóbirek suranysqa ie boldy.
«Ulttyq halyq sanaǵyn ótkizýdiń bastalýy aiasynda tamyz aiynda saýalnama júrgizý boiynsha suhbat alýshylar eń kóp suranysqa ie boldy: 2 560 bos orynǵa tek 8 túiindeme usynyldy», – dep atap ótti Aleksandra Molchanovskaia.
Buǵan qosa, belgili bir mamandyq muǵalimderimen qatar, shilde aiyndaǵydai, basqa bilikti qyzmetkerlerdiń arasynda zańger, baqtashy, feldsher jáne qarjyger boldy. Biliktiligi joq jumyskerler ishinen eldi mekenderdi abattandyrý jáne kógaldandyrý boiynsha qyzmetkerler az suranysqa ie boldy, alaida mektep tazalaýshy arasynda (241 túiindemege 1 013 bos oryn) jáne aýla sypyrýshy arasynda (523 túiindemege 1159 bos oryn) joǵary suranysty atap ótýge bolady.
Jalpy, biliktilik toptary turǵysynan alǵanda, aldaǵy egin jinaýǵa bailanysty aýyl sharýashylyǵy jumystarynyń qyzýyna qaramastan, fermerler men aýyl sharýashylyǵynyń ózge de jumyskerleri arasynda jaldaý 17% - ǵa, sondai-aq óndiristegi operatorlar arasynda (-1%) qysqardy. Bul rette biliktiligi joq jumys eńbegine degen suranys aldyńǵy ailardaǵydai barlyq jariialanǵan bos oryndardyń tórtten bir bóligi, olardyń arasynda bos jumys oryndarynyń, atap aitqanda, qosalqy jumysshylar úshin (+2,1 myń adam) aitarlyqtai ósýi baiqalady. Bul rette bos jumys oryndarynyń sany eń kóp Qyzylorda (+142%), Batys Qazaqstan (+81%) jáne Almaty oblystarynda (+76%) ósti.
Ornalastyrylǵan túiindemelerge keletin bolsaq, olardyń barlyq biliktilik toptaryndaǵy, sondai-aq bos jumys oryndaryndaǵy sanynyń artýymen qatar, aýyl sharýashylyǵymen ainalysatyndardyń (-24%), ónerkásip jumysshylarynyń (-11%) jáne biliktiligi joq jumysshylardyń (-5%) arasynda jumys izdeýshilerdiń qysqarýy baiqalady. Óńirlik bóliniste izdenýshiler arasynda belsendilik ońtústik óńirlerde – Almaty qalasynda (+48%), Almaty (+40%), Qyzylorda (+46%), Jambyl (+41%) oblystarynda, sondai-aq Mańǵystaý oblysynda (+44%) óskeni baiqalady.
